Փաստ ինֆո

Պարոն Մարուքյան, արդեն սպառնացիք Դուք, որևէ մեկը ոչնչից չի վախենում և ընդհանրապես քննիչ հանձնաժողովներ ստեղծելու ու հարցերը քննարկման դաշտ բերելու ջատագովն ենք, կողմանկիցն ենք ու նման ցանկություն ունենք միշտ։ Այս մասին այսօր ԱԺ-ում ասաց «Իմ քայլը» խմբակցության ղեկավար Լիլիթ Մակունցը՝ պատասխանելով «Լուսավոր Հայաստան» խմբակցության ղեկավար Էդմոն Մարուքյանին։

Հիշեցնենք, որ Մարուքյանը դիմելով Մակունցին ասել էր. «Հույս ունեմ՝ վարչապետն էլ է տեղյակ, թե դուք ինչ եք ուզում վաղն առավոտյան անել, ուզում եմ ասել, որ եթե վաղը դուք տապալեք քվեարկությամբ այս հանձնաժոովի անդամների կողմի որոշումը հաստատելու մասին որոշումը, ապա այն կլինի մեծ հարված Հայաստանում պառլամենտական ժողովրդավարությանը, որովհետև դուք, ըստ էության, լինելով քաղաքական մեծամասնություն տեսնելու եք՝ կա՞ կոռուպցիա թե ոչ, բայց ուզում եք պաշտպանել կոռուպցիան և չեք ուզում ստեղծվի այդ հանձնաժողովը։ Ուզում եք վաղը տապալել, եթե վաղը տապալվեց՝ քաղաքական մեծ խնդիր եք ունենալու»։

Մակունցը հատուկ շնորհակալություն հայտնեց ԼՀԿ-ին ու Անի Սամսոնյանին քննիչ հանձնաժողով ստեղծելու հարցը Ազգային ժողով բերելու համար։
«Միևնույն ժամանակ խնդրում եմ նաև ընդունել իրավական կազուսների վերաբերյալ այն դիտարկումները, որոնք արվեցին այստեղ։ Մասնավորապես այն, որ իրավունքի ուժով կարող է ստեղծվել քննիչ հանձնաժողով մեկ բան է, բայց միևնույն ժամանակ ՏԻՄ օրենքով սահմանված է, որ կան լիազորություններ, որտեղ մենք որպես օրենսդիր մուտք չունենք»,-ասաց Մակունցը։

Խմբակցության ղեկավարն ասաց, որ ՏԻՄ օրենքի 35-րդ հոդվածի 1-ին մասի համաձայն, Սահմանադրության 188-րդ հոդվածի համաձայն, Երևան քաղաքում «Տեղական ինքնակառավարման մասին» օրենքի 1-ին մասին համաձայն, բոլոր լիազորությունները, որ ուզում են իրականացնի ԱԺ-ն սահմանված է ավագանու համար.

«Հետևաբար, կարծում ենք, որ այդ գործառույթները պետք է իրականացնի հենց ավագանին»։
Մակունցը շեշտեց, որ «Իմ քայլը» որոշում է կայացրել չառաջադրել թեկնածուներ այս հանձնաժողովի համար և դեմ է քվեարկելու կազմը հաստատելու նախագծին։

Խոսելով կոռուպցիայի մասին՝ Մակունցը հավաստիացրեց, որ իրենք, Կառավարությունն ու մեծամասնությունը 0 հանդուրժողականություն ունեն կոռուպցիայի հանդեպ, ապա խոստացավ Մարուքյանի բարձրաձայնած կոռուպցիոն դրվագին հետամուտ լինել։

Աղբյուր` Փաստինֆո