Փաստ ինֆո

«Ցավոք սրտի, այսպես կոչված նոր Հայաստանում մեք ականատես ենք լինում նրան, որ դատավորները շատ հաճախ կայացնում են պարտադրված վճիռներ։ Հույս ունեմ, որ այս դատավորը կկաորղանա իր մեջ ուժ գտնել եւ ճիշտ որոշում կայացնել, սակայն պնդել, որ դա կլինի այդպես, շատ դժվար է»,-լրագրողների հետ ճեպազարույցում հայտարարել է «Հայաստան» համահայկական հիմնադրամի նախկին տնօրեն Արա Վարդանյանը՝ անդրադառնալով 5-րդ ալիք» Հ/Ը սեփականատեր Արմեն Թավադյանին կալանավորմանը։

Վերաքննիչ քրեական դատարանի բակում ի պաշտպանություն Արմեն Թավադյանի բողոքի ակցիա է կազմակերպվել։
Անդրադառնալով հարցին, արդյո՞ք Թավադյանի կալանավորումը կապված է նրա հեռուտաընկերության գործունեությամբ, թե նաեւ ՀՀ 2-րդ նախագահ Ռոբերտ Քոչարյանի ընկերը լինելու հանգամանքով, Արա Վարդանյանը ասել է, որ երկու հանգամանքն էլ տեսնում է։ «Ռոբերտ Քոչարյւանի դեմ պայքարը թեժացել է, ականատես ենք ոչ միայն ֆեյքային հարձակումների, այլ կոնկրետ մարդկանց կալանավորումների եւ այլ ճնշումների։ Ազատ խոսքը այս իշխանությունների համար դարձել է շատ մեծ խոչընդոտ եւ իրենք ամեն գնով կփորձեն այն ճնշել»,-շեշտել Վարդանյանը՝ հավելելով, որ նման իշխանության համար ազատ խոսքը մեծ պրոբլեմներ է ստեղծում կառավարման տեսանկյունից։ «Շատ դժվար է կառավարել երկիրը, երբ դու ինքդ որեւէ բան չես անում եւ չես ուզում, որ որեւէ մեկն իմանա, որ դու բան չես անում։ Իշխանությունները գնում են միայն պոպուլիստական քայելրի»։

Արա Վարդանյանը նկատել է՝ անցած տարի երկրի ամենաբարձր պաշտոնյան հայտարարում էր, որ գազը չի թանկանա, մինչդեռ ՀԾԿՀ նախագահը հայտարարեց, որ հնարավոր է ապրիլի մեկից թանկանա։ Հետո իշխող խմբակցության ղեկավարը հայտարարեց, որ նման քննարկում չկա։ Ըստ Վարդանյանի, իշխանությունը նունիսկ իր թիմի ներսում պարզ խնդիր ունի ՝ թե ինչ բոլորով հայտարարեն։

«Գազի գնի բարձրացումն աղետալի հետեւանքներ է ունենալու ոչ միայն սպառողների այլեւ բիզնեսի համար»,-նշել է Վարդանյանը։

Պատասխանելով հարցին, թե հնարավոր է արդյո՞ք իշխանությունը հիմա էլ ՀՀ 2-րդ նախագահ Ռոբերտ Քոչարյանի որդիների դեմ սլաքներն ուղղի, Արա Վարդնյանը նշել է.« Որեւէ բան չի փոխվել, նոր Հայաստանում պետք է պատրաստ լինել ցանկացած զարգացման, որոնք պայմանավորված են իշխանությունը պահելու հանգամանքով։ Եթե երկրի ղեկավարությունը եւ իշխող կուսակցությունը ունենային իրենց մեջ ուժ հավատալու, որ իրենք իրոք իշխանություն են եւ իրենց ոչինչ չի սպառնում, նման քայլերի չէին գնա, սա ցույց է տալիս իրենց թուլությունը»։

Դիմելով իշխամնությանը, Արա Վարդանյանն ասել է, որ նման կերպ հարցերը չեն լուծվում. «Կարող եք բոլորիս նստեցնել»։

Աղբյուր` Փաստինֆո