Փաստ ինֆո

Տարվա վատագույն ուղղությունն արևելքն է։ Այստեղ գտնվում է տարվա հինգերորդ աստղը, որը հիվանդությունների, դժբախտությունների, ավերի, թալանի աստղն է։ «Փաստինֆո»-ի հետ զրույցում այս մասին ասաց աստղաբան Աննա Հախվերդյանը։

Նրա հետ զրուցեցինք 2020 թվականի բերանպաստ և անբարենպաստ ուղղություններից, որոնք որոշվում են թռչող աստղերի դիրքով։ Ընդ որում սա վերաբերում է և՛ տարածական ուղղություններին, այսինքն` երկրների հատվածներին, և՛ սեփական բնակարանին։

«Տարվա վատագույն ուղղությունն արևելքն է։ Բնակարանի արևելյան հատվածում չարժի աղմկել, վերանորոգում իրականացնել։ Եթե տանը կա հիվանդ, փոքր երեխա կամ հղի, պետք չէ, որ նա գտնվի բնակարանի արևելյան հատվածում։ Երկրի, քաղաքի արևելյան հատվածներն անկման վիճակում են գտնվում։ Այստեղ կարելի է ասել, որ բնակարանների գնանկում կարող է տեղի ունենալ։ Այն բնակարանները, որոնք գտնվում են քաղաքի արևելքում, այսինքն` դա Մասիվն է, դրանց գները մատչելի կդառնան, սակայն այդքան էլ բարենպաստ չէ տեղափոխվել այդ բնակարաններ»,-նշեց աստղաբանը։

Եթե անգամ Ձեր բնակարանի դուռը բացվում է արևելյան ուղղությամբ, ապա փետրվարից կզգաք բացասական աստղի ազդեցությունը։ Այս տարի ոչ պակաս վտանգավոր են նաև հարավային և հյուսիսային ուղղությունները. «Հարավային հատվածում գտնվում է հիվանդությունների աստղը։ Վատ է, եթե Ձեզ մոտ հարավում է գտնվում խոհանոցը։ Դա վնասակար ազդեցություն կարող է թողնել Ձեր առողջության վրա։ Այսինքն` ցանկալի չէ, որ այնտեղ մշտական կրակ վառվի։ Մյուս վտանգավոր հատվածը հյուսիսայինն է, որտեղ գտնվում է կոնգլիկտների երրորդ աստղը»,-նշեց Աննա Հախվերդյանը։

2020 թվականի լավագույն հատվածն արևմտյանն է։ Այստեղ է գտնվում իններորդ՝ մանուշակագույն, հրեղեն աստղը։ Ատղաբանի վստահեցմամբ, եթե Ձեր բնակարանի դուռը բացվում է արևմտյան ուղղությամբ, ապա 2020 թվականին Ձեզ սպասվում են մեծ հաջողություններ. «Եթե ցանկանում եք ունենալ գործնական առաջընթաց, ապա ցանկալի է՝ Ձեր աշխատասենյակը լինի արևմտյան հատվածում։ Նույնը վերաբերում է նաև հյուսիս-արևմուտքին, որտեղ գտնվում է 8-րդ՝ կարիերայի աճը»,-նշեց աստղաբանը։

Վերջինս նկատեց՝ 2020 թվականին վտանգավոր են դեպի արևելք ճամփորդությունները, հետևաբար պետք է խուսափել դրանցից, մասնավորապես հուլիս ամսվա ընթացքում։ Հարցին՝ թե ո՞ր դեպքում հնարավոր է փոխել արդեն իսկ կանխորոշված անհաջողությունները և արդյոք մարդկային գործոնն այդտեղ մեծ դեր ունի, աստղաբանն ասաց.

«Չինական մետաֆիզիկայի համաձայն՝ մարդու հաջողությունը բաժանվում է երեք հատվածի՝ երկնային, մարդկային և երկրային։ Երկնային հաջողությունը պայմանավորված է աստղերով, որը չենք կարող փոխել, մարդկային հաջողությունը՝ մեզ շրջապատված մարդկանցով է պայմանավորված։ Քանի որ երկնայինը, աստղային ազդեցությունը չենք կարող փոխել, կարող ենք մեր հաջողությունը լավացնել՝ շփվելով ավելի հաջողակ մարդկանց հետ»,-հավելեց աստղաբանը։

Մանրամասները՝ տեսանյութում

Աղբյուր` Փաստինֆո