Փաստ ինֆո

Իրկուտսկի շրջանի քննչական մարմինները հարուցել են ևս մեկ քրեական գործ՝ «ավելի բարձր դիրքի գրավում քրեական հիերարխիայում», այսպես կոչված «հակագողական» հոդվածով: Կասկածի տակ է Իրկուտսկի շրջանի խիստ ռեժիմի գաղութներից մեկի 49-ամյա բանտարկյալը, որի անունը հետաքննող մարմինները դեռ չեն բարձրաձայնում: «Life»-ը պարզել է, որ, ամենայն հավանականությամբ, հանցանքի մեջ կասկածվում է քրեական հեղինակություն Ռադիկ Շաֆիգուլինը՝  Չիչա կամ Թաթար մականունով: Նախադեպը կայանում է նրանում, որ առաջին անգամ է այս հոդվածով մեղադրվում քրեական հեղինակութունը, որն արդեն իսկ պատիժ է կրում:

Նախկինում, որպես կանոն, քրեական հեղինակության դեմ հոդվածը կիրառվում էր միայն որպես պատրվակ՝ հեղինակւթյանը բանտարկելու համար: Եվ առաջին անգամ հոդվածը կիրառվեց արդեն պատիժ կրող, անազատության մեջ գտնվող քրեական հեղինակության նկատմամբ: 49-ամյա Շաֆիգուլինը պետք է ազատվեր 2027 թվականի հոկտեմբերի 18-ին, բայց հիմա, եթե նրան մեղավոր ճանաչեն, հեղինակությանը սպառնում է լրացուցիչ 8-15 տարվա ազատազրկում:

Քննության համաձայն՝ Չիչան «... տարածում և պահպանում է հանցավոր ավանդույթներն ու սովորույթները, գործադրում և տարածում է իր հանցավոր ազդեցությունը, օգտագործում է՝ հանցավոր հիերարխիայում ունեցած իր բարձրագույն դիրքը՝ հանցավոր գործունեությունը ղեկավարելու համար ... այդ թվում` հասարակությունից մեկուսացումն ապահովող հաստատությունների գործունեության խափանման համար» Պարզ ասած, կասկածյալը «ճոճում է» բանտի ռեժիմը և փորձում է գաղութում պահպանել, այսպես կոչված, սև  զոնայի կարգերը:

Արդեն պատիժ կրող հանցավոր մարմնի դեմ քրեական գործը նախադեպ է, որը կարող է կոտրել «օրենքով գողերի» ամբողջ համակարգը երկրում: Ընդհանուր առմամբ, Ռուսաստանում այժմ անազատության մեջ է ավելի քան քառասուն «օրենքով գող», շատերն օգտագործում են իրենց կարգավիճակը և գումար են հավաքում ընդհանուր ֆոնդի համար «օբշակ», կոռումպացնում են ճամբարային և բանտային վարչակազմը:

Իհարկե, «օրենքով գողերի» գաղափարի ջարդը ունի նաև մեկ վտանգավոր կողմ: Նախ, հանցավորությունը երկրից չի վերանա, բայց այն կդառնա այլ, և ոչ ոք չգիտի, թե այն ինճպիսինը կլինի: Իսկ ծանոթ չարիքն ավելի լավ է, քան՝ անծանոթը: Այժմ իրավապահները մեծ ազդեցություն ունեն քրեական աշխարհի վրա և նույնիսկ դրա միջոցով կարող են վերահսկել հանցավորությունը: Ամբողջ համակարգի փլուզմամբ՝ այս հսկողությունը անհուսալիորեն կթուլանա: Բայց մի բան արդեն պարզ է. «օրենքով գողերի» աշխարհը, ինչպինը որ մենք այն  գիտենք, ակնհայտորեն վերանում է:

Աղբյուր` Փաստինֆո