Փաստ ինֆո

Քիչ առաջ Պետական-իրավական հարցերի մշտական հանձնաժողովում քննարկվեց և բացասական եզրակացություն ստացավ, իմ կողմից ներկայացված «Ազգային ժողովի կանոնակարգ» Հայաստանի Հանրապետության սահմանադրական օրենքում լրացում կատարելու մասին օրենքի նախագիծը:

«Ազգային ժողովի կանոնակարգ» օրենքն անհրաժեշտ է նոր գործիքակազմով օժտել: Ըստ ներկայացված օրենքի նախագծի՝ ՀՀ Ազգային Ժողովի նախագահի տեղակալի լիզորություններով պետք է հնարավոր լինի խորհրդարանական լսումներ հրավիրել:

Անհրաժեշտ եմ համարում ընդգծել, որ լսումները լրացուցիչ ծախսեր չեն ենթադրում, այլ տալիս են հնարավորություն կարևորագույն քաղաքական նշանակություն և հնչեղություն ունեցող հարցերը բարձրաձայնել ԱԺ բարձր ամբիոնից և գտնել հնարավոր բոլոր լուծումներն ի շահ՝ հայ ժողովրդի, ի վերջո սա հասարակական նշանակություն ունեցող խնդիրներին արագ արձագանքելու հանարավորությունն է:

Ներկայիս կարգավորումները լիարժեք չեն և ինչպես ականատես ենք լինում բոլորս, բազում առաջնային խնդիրներ Խորհրդարանում քննարկվելու փոխարեն, հայտնվում են այլ հարթակներում, մասնավորապես Ազգային Ժողովի շենքի դիմաց, Կառավարության շենքի դիմաց և այլ շատ վայրերում:
ԱՄՆ 33-րդ նախագահը դիպուկ միտք ուներ.

«Երբ կառավարությունը հավատարիմ մնաց ընդդիմության ձայնը լռեցնելու սկզբունքին, նա կանցնի ընդամենը մեկ ճանապարհ, և գնալով ավելի ճնշող միջոցների ճանապարհին կհայտնվի, մինչև որ այն դառնա սարսափի աղբյուր բոլոր իր քաղաքացիների համար և ստեղծի երկիր, որտեղ բոլորն ապրում են վախով»:

Հատուկ հաղորդագրություն Կոնգրեսին՝ Միացյալ Նահանգների ներքին անվտանգության մասին, օգոստոսի 8, 1950 - Harry S. Truman

Հ.Գ. Հատուկ հաղորդագրություն իշխանությանը, ի՞նչն է խոչընդոտում թույլ տալ ավելի լավ և շատ աշխատել, եկեք ուղղվենք մեր սխալների վրա:

Աղբյուր` Փաստինֆո