Փաստ ինֆո

«Ուկրաինական միջազգային ավիաղունիներ» ընկերության  Boeing 737 ուղևորատար ինքնաթիռի կործանման պատճառը մարդկային սխալն է եղել, հայտնում է Ինտերֆաքսը։

«Այս շաբաթ Թեհրանում կործանված ուկրաինական ինքնաթիռը մոտ է գտնվել ռազմական հաստատությանը և կործանվել է։ Պատճառը մարդկային սխալն է»,-նշված է Իրանի գլխավոր շտաբի հայտարարության մեջ։

Իրանի ԱԳ նախարար Մոհամադ Զավադ Զարիֆը թվիթերյան իր էջում գրել է. «Տխուր օր է։ Զինված ուժերի ներքին հետաքննության եկել է նախնական եզրակացության. Մարդկային սխալը ճգնաժամի ժամանակ՝ պայմանավորված ԱՄՆ արկածախնդրությամբ, հանգեցրեց աղետի։ Մեր խորին ափսոսանքը, ներողությունն ու ցավակցությունները մեր ժողովրդին, բոլոր զոհերի ընտանիքներին և մյուս տուժած պետություններին»,-գրել է Իրանի ԱԳ նախարարը։

Պաշտոնական հայտարարությամբ է հանդես եկել նաև Իրանի Իսլամական Հանրապետության նախագահ Հասան Ռոհանին՝ նշելով, որ Իրանի ժողովրդի դեմ ագրեսիվ ամերիկյան ռեժիմի սպառնալիքների մթնոլորտում, ԻԻՀ զինված ուժերը գտնվում են լիակատար պատրաստվածության վիճակում, ինչը, ցավոք, հանգեցրել է այս ահավոր աղետին, որը տասնյակ անմեղ մարդկանց կյանք է խլել։ Հասան Ռոհանին նաև  հայտարարել է՝ ինքնաթիռի կործանման մեղավորները պատասխանատվության կենթարկվեն։

Հիշեցնենք, որ Թեհրանում վթարի է ենթարկվել Թեհրան-Կիև չվերթն իրականացնող ուկրաինական ուղևորատար օդանավ։ «Ուկրաինական միջազգային ավիաուղիներ» ընկերության «Բոինգ-737»-ը վթարի է ենթարկվել Իմամ Խոմեյնիի անվան օդանավակայանից թռիչքից հետո։ Օդանավում գտնվել է 168 ուղևոր և անձնակազմից 9 անդամ։

Աղբյուր` Փաստինֆո