Փաստ ինֆո

Անցնող տարին բավականին դրական էր, բայց միևնույն ժամանակ ուզում եմ մատնանշել, որ կարող էինք անել ավելին, քան արել ենք։ Դրա համար 2020թ-ից ակնկալիքները շատ ավելի մեծ են։ Այս մասին «Փաստինֆո»-ի հետ զրույցում ասաց ԱԺ «Լուսավոր Հայաստան» խմբակցության պատգամավոր Անի Սամսոնյանը։

Նա պատմեց, որ Ամանորը միշտ անցկացրել է հայրական ընտրանիքի հետ և միշտ ինչ-որ հետաքրքիր իրադարձություններ են եղել. «Դեկտեմբերի 31-ի երեկոյան մայրս ու հայրս չէին կարողանում կիսել խոհանոցը, որովհետև հայրս հնդկահավ էր պատրաստում, իսկ մայրս խմորեղեն, և նրանք անընդհատ կռվում էին»։

Հարցին` թե այս Ամանորին ինչ-որ բան անձամբ պատրաստելու՞ է, Սամսոնյանը պատասխանեց. «Ես, որպես այդպիսին, Ամանորն ավանդական չեմ անում, այդ իսկ պատճառով նաև չեմ պատրաստում»։

ԼՀԿ պատգամավորը քաղաքացիներին մաղթեց խաղաղություն և համբերություն։

«Կարծում եմ, որ 2020թ-ին շատ վճռորոշ է, որպեսզի մենք մեր սահմանների, զինվորների, պետական անվտանգության համար ունենանք խաղաղություն, որպեսզի կարողանանք նաև խաղաղ պայմաններում իրագործել այն բոլոր գաղափարկները, որը մենք մտածում ենք մեր լուսավոր Հայաստանի համար»,-ասաց Սամսոնյանը։

Մանրամասները՝ տեսանյութում։

Հեղինակ` Սոնա Գեւորգյան

Աղբյուր` Փաստինֆո