Փաստ ինֆո

Ամենակարևոր արձանագրումը, որ կարող ենք անել նախորդ տարվա համար, դա խաղաղության պահպանումն է, բանակի հզորացման քաղաքականությանը միտված հաջողությունն է, բանակի ռազմական հագեցվածության մեծացումն ու զինվորների համար կատավող կարևոր բարեփոխումներն են։ Այս մասին «Փաստինֆո»-ի հետ զրույցում ասաց ԱԺ «Իմ քայլը» խմբակցության պատգամավոր Գևորգ Պապոյանը։

Ըստ նրա` 2019-ը լավ տարի է եղել` պայմանավորված  տնտեսական զարգացման բարձր տեմպով ու խաղաղության պահպանմամբ։

«Նախորդ տարի տնտեսական լավ, դրական միջավայր կար երկրում, որի արդյունքում, իմ կարծիքով, արդեն իսկ կարող ենք արձանագրել, որ վերջին 12 տարիների ամենաբարձր տնտեսական աճը կարձանագրենք՝ 7,6-7,7% կամ միգուցե ավելի, ինչը մեզ հնարավորություն կտա շարունակել սկսած բարեփոխումները, այդ թվում սոցիալական ուղղությամբ։ Հուվարից նվազագույն աշխատավարձն է բարձրանալու 23%-ով, կենսաթոշակը 10%-ով, ինչը մեզ հնաավորություն կտա նաև 2020-ին որոշ ուղղություններով աշխատավարձերի բարձրացում ապահովել և լավ հենք ստեղծել, որպեսզի արդեն 2021թ-ի պետական բյուջում սոցիալական հատկացումները կտրուկ մեծանան»,-ասաց Պապոյանը։

Նա քաղաքացիներին մաղթեց առողջություն, ընտանեկան երջանկություն, խաղաղություն. «Կարծում եմ, երբ մարդն առողջ է, իսկ երկինքը՝ խաղաղ, նա ամենակարող է և մնացած ցանկություններն իր ուզած ձևով կկարողանա իրագործել»։

Հարցին` թե ում է համարում տարվա լացագույն քաղաքական գործիչը, «Իմ քայլը» պատգամավորը պատասխանեց. «Կարծում եմ, վերջին 2 տարիների լավագույն քաղաքական գործիչը պարզ է, և ես չեմ տա նրա անունը։ Բայց այդ դրական փոփոխությունները, որ կան առաջին հերթին պայմանավորված են ՀՀ քաղաքացու ակտիվ դիրքորոշմամբ ու վճռականությամբ։ Կարծում եմ, բոլոր մրցանակները պետք է տանք ՀՀ քաղաքացուն, որովհետև մենք՝ քաղաքական գործիչներս, պայմաններ ստեղծող ենք, բայց հիմնական շեշտը պետք է դնենք քաղաքացու վրա...»։

Պատգամավորը պատմեց, որ Ձմեռ պապիկին նամակներ չի գրում և կարծում է յուրաքանչյուր մարդ իր ընտանիքի ու հայրենիքի համար մի փոքրիկ Ձմեռ պապ է։

«Եթե մեզնից յուրաքանչյուրն իր տեղում այդ բեռն իր վրա վերցնի. գիտնականը՝ գիտության մեջ, վարորդը՝ մեքենան վերելու մեջ, բժիշկն՝ իր գործ անելուց, մշակը՝ իր հողը մշակելուց, ապա մենք կլինենք լավագույն Ձմեռ պապը մեր ընտանիքների ու պետության համար, իսկ մնացած մանկական ու սենտիմենտալ երազնեը թողնենք մեր բալիկներին»,-ասաց Պապոյանը։

Հեղինակ` Սոնա Գեւորգյան

Աղբյուր` Փաստինֆո