Փաստ ինֆո

«Ազգային համաձայնություն» կուսակցության նախագահ Արամ Հարությունյանի գնահատմամբ՝ «5-րդ ալիք» հեռուստաընկերության սեփականատեր Արմեն Թավադյանի ձերբակալությունը «5-րդ» ալիքը լռեցնելու փորձ է։ Այս մասին լրագրողների հետ զրույցում ասաց Հարությունյանը՝ նշելով, որ նման փորձ եղել է նաև Վարդգես Գասպարիի միջոցով, ինչը չի ստացվել։

Հարությունյանը վստահեցնում է՝ հաջորդ հերթը «Արմնյուզ» հեռուստաընկերությանն է, քանի որ, Հարությունյանի կարծիքով, հեռուստաընկերություններից միայն այս երկուսն են անաչառ լրատվություն մատուցում։ «Բացի Արմեն Թավադյանից կոնկրետ կապված է Ռոբերտ Քոչարյանի դատավարության հետ, որովհետև դատախազներն արդեն 1.5 տարի է, ինչ որևէ բացատրություն չեն տալիս, թե ինչու պետք է խափանման միջոցը չփոխվի, ինչու պետք է գրավով կամ անձնական երաշխավորությամբ ազատ չարձակվի՝ պատճառաբանելով, որ նա կարող է խոչընդոտել կամ վկաների վրա ազդել։ Բնական է, որ նրանք այդ ուղղությամբ աշխատել են »,- նշեց Հարությունյանը՝ շեշտելով, որ դա արվել է Դատախազության լեզուն երկարացնելու համար։

Ըստ Հարությունյանի՝ այս գործընթացը երկար տևել չի կարող։ Բացի այդ՝ Հարությունյանը նշեց, որ Ռոբերտ Քոչարյանի դատավարությունն աշխարհաքաղաքական և տարածաշրջանային հարց է և կապված է Արցախի հետ։ «Այս կալանավորումը նույնպես կապված է, որովհետև հասարակությանը անաչառ լրատվություն տրամադրելու խնդիր կա»,- նշեց Հարությունյանը՝ հավելելով, որ Նիկոլ Փաշինյանը սպառել է բոլոր ռեսուրսները։ Հարությունյանը վստահեցնում է, որ սա կապված է նաև Արցախի ընտրությունների հետ։

Մանրամասները՝ տեսանյութում

Աղբյուր` Փաստինֆո