Փաստ ինֆո

«Ժողովուրդ» թերթի խմբագրության ներխուժումը  խմբագրությունը գնահատում է որպես ճնշման միջոց։ Այսօր նման հայտարարությամբ է հանդես եկել թերթի գլխավոր խմբագիր Քնար Մանուկյանը։

«Սա ակնհայտ վախեցնելու գործընթաց է»,- ասաց Քնար Մանուկյանը։ Նրա խոսքով՝ կասկածում է ամեն ինչ, բացի՝ գողությունից։ «Ոչինչ չի տարվել խմբագրությունից։ Խմբագրությունից ակնհայտ երևում է, որ կոնկրետ ինչ-որ բան են փորձել փնտրել, գտնել։ Ես չգիտեմ՝ գտել են, թե ոչ։ Բացված և խառնված են բոլորի դարակները, իմ աշխատասենյակն ամբողջությամբ տակնուվրա արված վիճակում է։ Ես ամեն ինչ կարող եմ մտածել՝ իրավապահների կողմից վախեցնելու գործընթաց կարող եմ կասկածել, զգուշացնելու գործընթաց կարող եմ կասկածել։

Այստեղ կան այնպիսի իրեր, որ կարող էին հանգիստ տանել, բայց որևէ բան չեն տարել։ Եթե նախկին իշխանության ժամանակ նրանք մտան իմ բնակարան և փորձեցին ինձ բերման ենթարկել, իսկ հիմա մտնում են խմբագրություն և անօրինական ձևով խուզարկություն են անում »,- շեշտեց Մանուկյանը։ Ավելի վաղ հայտնել ենք, որ այսօր առավոտյան «Ժողովուրդ» օրաթերթի խմբագրության աշխատակիցները խմբագրությունը հայտնաբերել են տակնուվրա արված։ Առավոտյան՝ բացելով խմբագրության դուռը, արձանագրել են, որ խմբագրություն մուտք են գործել ինչ-որ անձինք։

Ընդ որում՝ հափշտակություն որպես այդպիսին չի կատարվել։ Մեր գործընկերները «Փաստինֆո»-ին պատմել են, որ թանկարժեք իրերը՝ համակարգիչները, տեսախցիկները տեղում են, փոխարենը փաստաթղթերն են քարուքանդ են արված։ Հափշտակվել է միայն անվտանգության տեսախցիկը, որը ֆիքսում խմբագրության ելումուտը։

Ահազանգին արձագանքել են նաև մի շարք պատգամավորներ, որոնք այցելել են խմբագրությունում ։

Մանրամասները՝ տեսանյութում

Աղբյուր` Փաստինֆո