Փաստ ինֆո

«Քաղաքացիական գիտակցություն» ՀԿ նախագահ ՀԿ նախագահ Նարեկ Սամսոնյանը լրագրողների հետ հանդիպմանը հայտարարեց, որ վերջին արտահերթ խորհրդարանական ընտրություններից առաջ  իշխող «Իմ քայլը» կուսակցության նախընտրական դրամահավաքը ոչ միայն կոռուպցիոն ռիսկեր, այլեւ պետական ռեկետի տարրեր է պարունակում:
 

Անցնելով բուն խնդրին՝ Նարեկ Սամսոնյանը հայտարարեց. « Տեղի է ունեցել կոռուպցիոն ճանապարհով անհայտ  փողերի ներդրում ՀՀ խորհրդարանական ընտրությունների ընթացքում ուժերից մեկի վրա , որը այսօր իշխող ուժն է: Մենք չենք  կարող ասել՝ այս փողերը ադրբեջանական ծագում ունեն, տեղական օլիգարխներինն են, թե ՀՀ քաղաքացիները, որոնք գումարներ են նվիրաբերել հիմնադրամին»:

Նարեկ Սամսոնյանը ասաց, թե  իշխող խմբակցության պատգամավոր, «գենետիկ ստախոս» Վահագն Հովակիմյանը , որն իրեն անվանել է  «գենետիկ կոռուպցիոներ», հայտարարել թե միջոցները հավաքագրվել են դրամահավաքի ընթացքում: Նարեկ Սամսոնյանը բերեց տարբեր տարիներին  «Քաղաքացիական պայմանագիր» կուսակցության իրականացրած դրամահավաքների վերաբերյալ տվյալներ:

Այսպես, ըստ նրա, 2016 թ փետրվարի 18-ին առաջին անգամ  դրամահավաք է անցկացվել եւ հավաքվել է 4 միլիոն 850 հազար դրամ:

Երկրորդ դրամահավաքն անցկացվել է նույն թվականի սեպտեմբերին:  Քաղպայմանագրին 4.6 միլիոն դրամ է նվիրաբերել եւ 1.8 մլն դրամի խոստում, որը ըստ լուրերի կատարել է գործարար Խաչատուր Սուքիասյանը:

2017 «Ելք»  դաշինքի դրամահավաքի ընթացքում հավաքվել է 15 միլիոն դրամ: Դաշինքի երկրորդ դրամահավաքը 2017 ապրիլի 19 -ին  է եղել եւ հավաքվել է 5 միլիոն 127 հազար դրամ գումար:

Վերջին  խորհրդարանական ընտրություններից առաջ՝ 2019 թ նոյեմբերի 25-ին  Քաղպայմանագիրը հավաքել է 236 միլիոն դրամ:  «15 միլիոնի կողքը դրեք 236 միլիոնը եւ եկեք հասկանանք, թե ինչպես են հավաքել այդ գումարները: Իրենք ասում են, որ հավաքել են դրամահավաքով, բայց ընտրել են ոչ թափանցիկ ճանապարհը»,-ասաց Նարեկ Սամսոնյանը՝ հավելելով, որ անհայտ են այն մարդիկ որոնք տվել են այդ գումարները , ինչը քաղպայմանագրի անդամները պարզապես ֆորմալիզացվել են իրենց անուններով:

«Դավիթ Սանասարյանը մուծել է 5 միլիոն դրամ, ես ուզում եմ հասկանալ, ովքեր են եղել այն մարդիկ, ովքեր գումար են տվել Սանասարյանին, Անդրանիկ Քոչարյանին, ՀՀԿ-ի դռները շատ անգամներ բացած եւ փակած Վահագն Թեւոսյանին: Քանի դեռ մենք չգիտենք, թե ովքեր են տվել այս գումարները, մենք չենք կարող բացառել, որ այդ գումարները տվել է Ալիեւը կամ Մերիբան Ալիեւան»:

Սամսոնյանն ասաց, որ ըստ իրեն հասած լուրերի,  այս գումարները տրվել են մի քանի օլիգարխների կողմից, որոնցից 2-ին հանրությունը գիտի: Նրա խոսքով, ՀՀ վարչապետ  Փաշինյանի բառերով ասած , նրանք համարվում են  խոշոր սեփականատերեր, իսկ պատգամավոր Փաշինյանի բառերով ասած՝ ռեժիմի օլիգարխներ են:

«Մեկը տվել է որպեսզի ունենա հնարավորություն չդատվելու, չնստելու, մյուսը տվել է, որ ունենա պետական արտոնություն»,-նշեց Նարեկ Սամսոնյանը՝ հավելելով, որ գիտենք մի խոշոր սեփականատիրոջ, որի ապահովագրական ընկերությունները ստանում են տենդերները:

Նարեկ Սամսոնյանի խոսքով, դատախազությունը պետք է զբաղվի այս խնդրով, հակառակ դեպքում վաղը պատասխան է տալու, թե ինչու չի զբաղվել:

Նարեկ Սամսոնյանն ասաց նաեւ, որ իշխանական քարոզիչները փորձում են իրեն կապել նախկին իշխանությունների հետ, որոնց հետ ինքը առնչություն չունի

Աղբյուր` Փաստինֆո