Փաստ ինֆո

Երբ որ քաղաքապետը ծիծաղում էր մարդու ելույթի վրա, մի հատ տեսախցիկ ցույց տվե՞ց իրեն ծիծաղելուց։ Լրագրողների հետ հանդիպման ժամանակ այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով երեկ տեղի ունեցած Երևանի ավագանու նիստին։

«Ոչ մի կամեռա ցույց չի տվել։ Մարդկանց ընկալման մեջ եղել է հետևյալը, որ ավագանու անդամն օդից բան է անում։ Նկարե՞լ եք քաղաքապետին, որ ինքը հռհռում էր ավագանու անդամի ելույթի ժամանակ»,-նշեց Էդմոն Մարուքյանը։

Նա ընդգծեց, որ այսօր թրենդն այն է, որ թիրախավորվեն ավագանու անդամները և սրբադասվեն իշխանության ներկայացուցիչները. ««Լույս» խմբակցությունում Լուսավոր Հայաստանը ներկայացնող անդամը՝ Դավիթ Խաժակյանը, ում քննադատությունը բովանդակային է և արժեքային, պարբերաբար խմբակցությունն այլ որակական հատկանիշներ է ցուցաբերում, որի համար մենք չենք կարող պատասխանատվություն կրել»,-ասաց Էդմոն Մարուքյանը։

Վերջինս հավելեց, որ եթե կուսակցության կառավարման խորհուրդը որոշի, որ Դավիթ Խաժակյանը պետք է դադարեցնի իր մասնակցությունը ավագանիում, ապա վերջինս վայր կդնի մանդատը. «Դավիթ Խաժակյանը բացահայտում է, որ Խաչատրյան Գագոն շենք է կառուցում դրա դիմաց ծառայություն է մատուցում քաղաքապետարանին, էդ մարդը բացահայտում է, որ մարդկանց տանում-բերում են էնքան մինչև շինթույլտվություն տան ու դրա դիմաց գումար են ուզում, ո՞րն է դրա արձագանքը»,-ասաց Էդմոն Մարուքյանը՝ նկատելով, որ քաղաքապեպտը ձեռք էր առնում ավագանու անդամներին, սակայն ոչ ոք դա չտեսավ.

«Գիտեր կարգին հաղորդումում է»,-հավելեց ԼՀԿ ղեկավարը։

Նշենք, որ ավելի վաղ Էդմոն Մարուքյանը ֆեյսբուքյան իր էջում գրառում էր կատարել՝ հայտնելով, որ քննարկվում է Երևանի ավագանիում Դավիթ Խաժակյանին հետ կանչելու հարցը։

Մանրամասները՝ տեսանյութում

Հեղինակ՝ Հասմիկ Կոշկարյան

Աղբյուր` Փաստինֆո