Փաստ ինֆո

Հայաստանում ներքաղաքական դաշտը ճահճացած է եւ նոր քաղաքական դաշտ ստեղծելու խնդիր կա:
«Փաստինֆո»-ի հետ զրույցում նման կարծիք ասաց քաղաքագետ Ստեփան Դանիելյանը:

«Քաղաքական դաշտի վիճակը ես համարում եմ շատ վատ եւ դա վաղուց է սկսվել՝ նաեւ նախկին իշխանությունների ժամանակ: Եթե նույն կուսակցությունները հայտարարում են, թե ընտրությյուն չկա, հետո գնում , ընտրության են մասնակցում, հետո Սերժ Սարգսյանը իրենց հաճախորդ է անվանում, դա այն երեւույթն է, երբ չկա ընդդիմություն եւ չի կարող լինել քաղաքական դաշտ»,-նշեց Ստեփան Դանիելյանը:

Ներկայումս, ըստ քաղաքագետի, այդ քաղաքական դաշտն էլ է փլուզվել եւ այս պայմաններում խոսել խորհրդարանում ինչ-որ ընդդիմությունների մասին , լուրջ չէ:

«Ինձ համար պարզ է մեկ բան, մենք հիմա քաղաքական դաշտ ստեղծելու խնդիր ունենք:
ԼՀԿ-ում տեղի ունեցող խմորումները քաղաքագետը ավելորդ է համարում անգամ մեկնաբանել: Ըստ նրա, այս պայմաններում խոսել խորհրդարանում ինչ-որ ընդդիմությունների մասի , լուրջ չէ:

«Անկեղծ ասած, ես «Լուսավոր Հայաստան»-ին երբեք ընդդիմություն չեմ համարել եւ այնտեղ ինչ է կատարվում ՝ չի հետաքրքրում: Ինձ համար պարզ է, որ այդ ուժը ընդդիմություն չէ, հատկապես ոստիկանապետի եւ ԱԱԾ տնօրենի՝ քաղաքացիական պաշտոններ դառնալու նախագծից հետո ինձ համար նման ֆրակցիա , որը հետաքրքրություն ներկայացնի, չկա»,-ասաց Ստեփան Դանիելյանը:

Նշենք, որ Լուսավոր Հայաստան կուսակցությունում ու Երեւանի ավագանու Լույս խմբակցությունում խմորումներ են: Այն բանից հետո, երբ խմբակցության ղեկավար Դավիթ Խաժակյանը խիստ քննադատեց Երեւանի քաղաքապետ Հայկ Մարությանին, ԼՀԿ ղեկավարությունը հայտարարեց նրան ավագանու «Լույս » խմբակցությունից հեռացնելու հնարավորության մասին:

Ստեփան Դանիելյանը կարծում է, որ այսօր Հայաստանում որպես կառավարման պետական մարմին, որպես այդպիսին, նաեւ Ազգային Ժողովը գոյություն չունի : «Ես կարծում եմ մենք խորհրդարան չունենք՝ իրական խորհրդարան , որը քաղաքական պատկերը կներկայացնի, ոչ էլ քաղաքական պատկեր ունենք առանձնապես : Այսինքն, թե խորհրդարանում ինչ է կատարվում, դա կոնկրետ ինձ չի հետաքրքրում, որովհետեւ ինձ համար որպես կառավարման պետական մարմին այն գոյություն չունի»,-կարծիք հայտնեց քաղաքագետը:

Ըստ Ստեփան Դանիելյանի, ստեղծված քաղաքական ճահճից դուրս գալու համար Հայաստանում պետք է լուրջ քաղաքական պրոցեսներ լինեն՝ տարածաշրջանային զարգացումների, քաղաքական համակարգի փոփոխության քննարկում, քննարկման ժամանակ, նրա խոսքով, պետք է գիտական մոտեցումներ ցույց տալ, որովհետեւ կառավարման համակարգի փոփոխությունը գիտություն է, մենեջմենտ : Սակայն առարկայական քննարկումներ քաղաքագետը չի տեսնում ոչ ընդդիմադիր, ոչ էլ, առավել եւս, իշխանական դաշտերում:

«Ճահճային վիճակ է, որովհետեւ ռեալ խնդիրներ չեն դրվում, ամեն ինչ բամբասանքի վրա է կառուցվում, ամենուր ինտրիգներ են , փոխադարձ մեղադրանքներ: Անառողջ մթնոլորտ է, երբ լուրջ խնդիր է դրվում, որը ոչ ոք առանձնապես չի հետաքրքրում, իսկ այդ մթնոլորտում լուրջ քաղաքական գործընթացներից, խոսելը, թերեւս վաղ է »,-ասում է նա:

Աղբյուր` Փաստինֆո