Փաստ ինֆո

ԱԺ «Բարգավաճ Հայաստան» խմբակցությունը Սահմանադրական դատարանը չի ուզում տեսնել քաղաքական ֆուտբոլի գնդակի կարգավիճակում։ Նման հայտարարությամբ է հանդես եկել ԲՀԿ-ական պատգամավոր Գեւորգ Պետրոսյանը՞

«Վաղը Թովմասյան Հրայրը կլինի թե ով կլինի, որևէ տարբերություն մեզ համար չկա, մենք շահագրգռված ենք բոլոր գործառույթները բացառապես ՀՀ-ի Սահամանադրությամբ և այլ օրենքների սահամաններում կարգավորելու հարցում»,- ԱԺ ճեպազրույցների ժամանակ ասաց Գևորգ Պետրոսյանը՝ անդրադառնալով դատավորների վաղ կենսաթոշակային համակարգի ներդրման օրենքի նախագիծին։

Հարցին, եթե խնդիր տեսնում եք դատական համակարգում, ինչու՞ նախաձեռնությամբ հանդես չեք գալիս՝ Պետրոսյանը պատասխանեց. «Մենք ցանկացած գործընթաց սկսելուց առաջ ուսումնասիրում ենք դրա իրավական հիմնավորվածությունը, փաստական առկայությունը, հետո՝ իրականացնում այն, քանի որ մեր նպատակն ընդամենը հանրության առաջ ցուցանիշ ապահովելը չէ։ Այն, որ ԲՀԿ-ն նախկին իշխանությունների ամենախիստ քննադատն է՝ դա որևէ մեկը չի կարող վիճարկել, դուք տեսել եք այդ ամենը, այսօր ինչ խոսում ենք ասում են մանիպույլացիա եք անում, ուրիշ բան չունեն վիճարկելու, այդ բառը դարձել է «Հայր մեր»-ի նաման մի բան։ Բա ի՞նչ անի ընդդիմությունը, չխոսի՞, բա եթե տեսնում ենք խնդիրները, չպիտի՞ ներկայացնենք, մեր ազգաբնակչության շահերը չպիտի՞ պաշտպանենք։ Բա էլ ինչու՞ ենք այստեղ, դե թող ԱԺ-ում միայն «Իմ քայլը» լինի, ընդդիմությւոն չլինի, իրենց ուզածը դա՞ է»։

ԲՀԿ պատգամավորը շեշտեց, որ ՍԴ այս կազմը ձեռնտու չէ գործող իշխանությանը, քանի որ այս կազմի պայմաններում հնարավոր չէ ի կատար ածել այնպիսի ցանկություններ, ինչպիսին է Ստամբուլյան կոնվենցիայի վավերացումը. «Դրա համար ուզում են ՍԴ-ի կազմը համալրել խոնարհ, հեզ դատավորներով, որպեսզի կարողանան կյանքի կոչել նման նախագծերը։ Սա է օյեկտիվ ճշմարտությունը։ Գիտեմ, որ այս ելույթից հետո ֆեյքերն ըմբոշխնելու են իրենց երեկոյան ժամանակը որպեսզի հայհոյեն ինձ, բայց դա ինձ այնքան է հետաքրքրում, որքան թռչնագրիպի վարակը Մովսես Խորենացուն։

Մանրամասները՝ տեսանյութում։

Հեղինակ՝ Սոնա Գեւորգյան

Աղբյուր` Փաստինֆո