Փաստ ինֆո

Սահմանադրական դատարանը նախագահի գլխավորությամբ, եթե մի քիչ նամուս ունենար, պետք է արդեն հրաժարական տար։ Ազգային ժողովում այս մասին ասաց «Իմ քայլը» խմբակցության պատգամավոր Սասուն Միքայելյանը։

Պատգամավորի խոսքով Սահմանադրական դատարանը՝ ներկայիս գործող դատավորներով և նախագահով հանդերձ օրենքին հակառակ ինչ ասես արել է։ Այն բարձր ատյան է, որը պետք է մեր երկրի պետականության հիմքերը դներ, սակայն Սասուն Միքայելյանի վստահեցմամբ չի արել. «Ես գրեթե 3.5 տարի բանտում եմ մնացել, որից 1.5 տարին մնացել եմ ԱԱԾ նկուղում։ Ինձ նման շատ մարդիկ են հայտնվել բանտերում անիմաստ, անհիմն, անօրենք։ ՍԴ-ն գործել է նախորդ իշխանության կամքի համաձայն։ Մարտի 1-ի դեպքերի ժամանակ հազարավոր մարդիկ երկրից փախան, հարյուրավոր մարդիկ բանտեր ընկան։ Իրենք մի լավ բան են արել, որ ասել են մենք որոշում կայացնենք բերեք զորք մտցրեք հանկարծ մեզ ժողովուրդը բան չանի։ Դա է ՍԴ-ի գործունեությունը, որը եղել է այս տարիների ընթացքում»,-նշեց պատգամավորը։

Սասուն Միքայելյանը նկատեց՝ թավշյա հեղափոխությունից հետո, բնականաբար, այն պետք է փոխվի։ Պատգամավորը վստահեցրեց՝ առաջին ատյանի դատարանն էլ, վճռաբեկն էլ, վերաքննիչն էլ, բոլորը կփոխվեն. «Հեղափոխությունից առաջ ելույթ եմ ունեցել ու ասել, որ էս մարդկանց դուք եք հավաքել, ոչ ես եմ հավաքել, ոչ Նիկոլ Փաշինյանը։ Իշխանությունը հավաքեց ժողովրդին։ Թավշյա հեղափոխությունը տեղի է ունեցել ժողովրդի ատելության ներքո, որ ժողովուրդն ատում էր նախորդ իշխանությանը։

Եկեք այսօր սրտաճմլիկ խոսքեր չասենք։ Եթե մեր երկիրն այս վիճակին է հասել, ամենամեծ մեղքի բաժինն ունի ՍԴ-ն»,-նշեց Սասուն Միքայելյանը՝ ընդգծելով, որ արտոնյալ թոշակի ուղարկելը, մարդկանց հնարավորություն տալ, որ իրենց կամքով դիմում գրեն, նույնպես ժողովրդավարություն

Աղբյուր` Փաստինֆո