Փաստ ինֆո

Դեկտեմբերի 1-ից G20- ը գլխավորած Սաուդյան Արաբիան որպես իր աշխատանքի առաջնահերթ խնդիր անվանեց կլիմայական փոփոխության դեմ պայքարը և կանանց իրավունքների պաշտպանությունը: Այս մասին, հղում կատարելով թագավորության կառավարության հաղորդագրությանը, գրում է Deutsche Welle- ն:

Էր-Ռիադը խոստացավ պայքարել, որպեսզի «բոլոր մարդիկ՝ հատկապես կանայք և երիտասարդները, կարողանան ապրել, աշխատել և հաջողակ լինել»:

Սաուդյան Արաբիան փոխարինել է Ճապոնիային՝  G20- ի նախագահի պաշտոնում: G20- ի հաջորդ գագաթնաժողովը տեղի կունենա դեկտեմբերի 21-22-ը՝  թագավորությունում: Դա կլինի առաջին նման հանդիպումը արաբական աշխարհում:

Թագավորությունը գենդերային հավասարության հարցում համարվում է աշխարհի վերջին երկրներից մեկը: Թագաժառանգ արքայազն Մուհամմեդ Իբն Սալմանը հռչակել է Սաուդյան Արաբիայի հասարակության արդիականացման ընթացքի մասին, բայց կանանց դեռ շատ որոշումներ կայացնելու համար հարկավոր է տղամարդ խնամակալների հավանությունը: Այդ թվում՝ նրանք իրավունք չունեն ինքնուրույն լքել թագավորությունը:

Առանց տղամարդու թույլտվության արգելված գործողությունների թվում են ամուսնությունը, աշխատանքի դուրս գալը, փող ծախսելը և տան տարածքից դուրս զբոսնելը: Այնուամենայնիվ, 2018-ին  Էր-Ռիադը թույլ տվեց կանանց ավտոմեքենա վարել և մասնակցել ֆուտբոլային խաղերին: Այն ժամանակ երկիրն աշխարհում վերջինն էր, որ ուներ նման արգելք:

Աղբյուր` Փաստինֆո