Փաստ ինֆո

«Ֆլեշ» ՍՊԸ նախագահ Բարսեղ Բեգլարյանը հայտարարել է, որ պաշտոնապես չի տեղեկացվել իրեն առաջադրված նոր մեղադրանքի մասին։ Այս մասին նա ասել է դատարանում՝ պատասխանելով լրագրողների հարցերին։ Վերջինս նշեց, որ երկուշաբթի օրը պետք է ներկայանա ՀՔԾ։ 

«Ես ոչնչի տակ չեմ ստորագրել, տեղյակ չեմ։ Համոզված եմ, որ այդ մեղադրանքը կեղծ մեղադրանք է»,- ասաց Բեգլարյանը՝ հերքելով- որ Սերժ Սարգսյանը միջնորդել է իր համար։ «Ինչ կապ ունի Սերժ Սարգսյանի «Ֆլեշ» ընկերության հետ»,- ասաց նա։ Նրա հայտնած տեղեկությունների համաձայն՝ 1-1,5 ամիս առաջ հացաքննվել է, նաեւ առերես հարցաքննվել է Սերգո Կարապետյանի հետ, իսկ երրորդ նախագահի հետ չի առերեսվել։

Ավելի վաղ հայտնել ենք, որ «Ֆլեշ» ՍՊԸ նախագահ Բարսեղ Բեգլարյանին նոր մեղադրանք է առաջադրվել՝ՀՀ քրեական օրենսգրքի 38-179-րդ հոդվածի 3-րդ մասի 1-ին կետով (Պետությունից վատնելու եղանակով առանձնապես խոշոր չափերով գումարի հափշտակության կատարմանը դրդելու համար)։

Նշենք, որ Բ.Բեգլարյանին մեղադրանք է առաջադրել նաեւ Քննչական կոմիտեն՝ ինքնիրավչության համար, որը գտնվում է դատախաքննության փուլում։

Հեղինակ՝ Իզաբել Սահակյան

Աղբյուր` Փաստինֆո