Փաստ ինֆո

«Կառավարության կողմից տրամադրվող գումարը նման է այն ընտանիքներին, որոնք ընթացիկ կենցաղային խնդիրներ են ունենում, բայց վարկ, ապառիկ են վերցնում նոր տարվա բուդն ապահովելու համար։ Հիմա մենք ավելի քան 300 մլն դրամ տրամադրում ենք, որ քաղաքի տոնակատարություններն ապահովենք»,-այս մասին այսօր Երևանի ավագանու նիստի ժամանակ ասաց «Լույս» խմբակցության ղեկավար Դավիթ Խաժակյանը։

Հիշեցնենք, որ Երևանի ավագանու դեկտեմբերի 6-ի արտահերթ նիստի օրակարգում այսօր ընդգրկված էր միայն մեկ հարց: Քննարկվում էր մայրաքաղաքում Ամանորի տոնական միջոցառումների համար նախատեսված գումարը 270 միլիոն դրամով ավելացնելու նախագիծը, որն էլ ավագանու հավանությունը ստացավ 41 կողմ, 5 դեմ և 2 ձեռնպահ ձայներով։
Խաժակյանը նշեց, որ այն կարևոր պահին, երբ պետք է միջոց տրամադրել, կոմունալ գույք գնել, պետությունը մասնավորներից է պահանջում, իսկ այս դեպքում նոր տարին սեփական միջոցներով է անում։
«Երեկ բանավեճ տեղի ունեցավ, խոսվեց նաև կոռուպցիոն դրսևորումների մասին և «Իմ քայլից» գործընկերս շատ ճիշտ դիտարկում արեց, որը մասնավորապես վերաբերում էր անձնական շահին, և ես իմ ելույթում ասել էի, որ նյութական շահն այստեղ քաղաքապետինն ու քաղաքապետի տեղակալինն է, սակայն հետո շատ հանգիստ ընդունեցի, որ այդ դիտարկումս անհաջող էր»,-ասաց Խաժակյանը։

Մանրամասները՝ տեսանյութում։

Աղբյուր` Փաստինֆո