Փաստ ինֆո

«Զուտ իրավական գործընթաց է, քաղաքական տարրեր տեսնելու համար պետք է լինեն հանգամանքներ, որ քրեական գործը շինծու է, մեղադրանքը կեղծ է, ապացույցներ չկան, բայց ի՞նչ են ասում ՀՀԿ-ականները Ֆեյսբուքում, որ այ Սերգո Կարապետյանը՝ իրենց նախարարը, ցուցմունք տվեց։ Դա նույնն է, որ Մանե Թանդիլյանը ցուցմունք տա իմ դեմ, ես բողոքեմ Նիկոլից»,-«Փաստինֆո»-ի փոխանցմամբ, ԱԺ-ում լրագրողների հետ ճեպազրույցում հայտարարեց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ՀՀ 3-րդ նախագահ Սերժ Սարգսյանին առաջադրված մեղադրանքին։

Ըստ Մարուքյանի, ՀՀԿ-ական գործիչները երկար ժամանակ պնդում էին, որ Սերժ Սարգսյանը պետք է կալանավորվի, բայց չի կալանավորվել, ինչ վերաբերում է հայտարարություններին, թե այս քրեական գործը նրան լռեցնելու համար է, Էդմոն Մարուքյանն ասաց. «Սերժ Սարգսյանը լուռ է եղել եւ ասել է, որ ժամանակը կգա, կխոսեմ, հետեւաբար ի՞նչն են լռեցրել»։ Դիտարկմանը, թե խոսքը, օրինակ Զագրեբում 3-րդ նախագահի ելույթի մասին է, Մարուքյանն ասաց, թե այդ ելույթը կարող է այս գործի շրջանակում դիտարկվել, որ «իմացել են քրեական գործ կա, ելույթը եղել է, որ հետո ասեն քաղաքական հետապնդում է»։
Մարուքյանն ասաց, որ հապարակային դատաքննություն է լինելու, իրենք հետեւելու են քրեական գործին։

Հիշեցնենք, ՀՀ նախկին նախագահ Սերժ Սարգսյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար, որ նա, 2008 թվականի ապրիլի 9-ից մինչև 2018 թվականի ապրիլի 9-ը զբաղեցնելով ՀՀ նախագահի պաշտոնը, իր պաշտոնեական դիրքն օգտագործելով, 2013 թվականի հունվարի 25-ից մինչև նույն թվականի փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:

Հարցին, արդյո՞ք քրեական գործի հարուցումը կարող է անուղղակիորեն կապված լինել Արցախի շուրջ զարգացումների հետ՝ Մարուքյանն ասաց, որ ՀՀԿ-ականները շահարկում են Արցախի խնդիրը։ «Արցախի հիմնախնդիրը նախկին իշխանությունների կողմից տոտալ շահարկվում է»։ Նրա խոսքով, շուրջ 30 տարի է, լսում ենք, որ իշխանությունը պատրաստվում է հող հանձնել եւ այդ նույն մեղադրանքը եղել է նաեւ Սերժ Սարգսյանի նկատմամբ ։
Մարուքյանը նորություն չի համարել ԵԱՀԿ-ում տարածված ադրբեջանական հռչակագրի բովանդակությունը.«Նոր իմացանք հա՞, որ իրենք անզիջում են ,մինչեւ էդ ճանաչե՞լ էին անկախությունը»։ Ըստ Մարուքյանի նախկին իշխանության մեդիա ռեսուրսները այս շահարկումն օգտագործում են

«Վտանգավոր բան կա միշտ, որ մենք կիսապատերազմական իրավիճակում ենք եւ մեր վրա կարող են հարձակվել, հետեւաբար պետք է երկրում տնային աշխատանքը լավ կատարել, բաց դա ընթացիկ քրեական գործերի հետ չի կարող կապ ունենալ»,-ասաց Մարուքյանը։

Ինչ վերաբերում է հարցին, որ ՀՀԿ-ն պատրաստվում է միջազգային հարթակներում բարձրացնել խնդիրը, Էդմոն Մարուքյանն ասաց.« Արդեն մեկ տարի է ՀՀԿ-ն բոլոր միջազգային հարթակներում բարձրաձայնում է, բայց դա որեւէ ազդեցություն չի ունեցել եւ ՀՀ վրա համար խնդիր չի առաջացել։ ԵԽԽՎ մոնիթորինգի հանձնաժողովն, էդ տեղերում է, որ կարող է խնդիր առաջանալ, բայց որեւէ բան չի եղել։ Դափոններով նամակներ են ստանում , բայց դեռ որեւէ բան չի եղել»։

Ըստ Մարուքյանի, եթե խնդիր լինի, իրենք առաջինը կբարձրաձայնեն եւ չեն սպասի Եվրոպային։

Անդրադառնալով ԿԳՄՍ փոխնախարարի ձերբակալությանը՝ Էդմոն Մարուքյանը նշեց, որ կաշառքի գործով շատ դժվար է մարդ դատելը, եթե ձեռքին չես բռնում։Ապա ԼՀԿ-ականն ասաց, որ որեւէ մեկը սուրբ չէ եւ պետք է դուրս գալ այդ էյֆորիայից։

«Հեղափոխականներն էլ սուրբ չեն , այսօր կարող է հանրային շահի համար, իբր, թե բան ուզեն, վաղը՝ իրենց համար, պետք է ադեկվատ լինել, չտրվել էյֆորիաների»։

Մարուքյանը խոսեց նաեւ վարչապետ Փաշինյանի երեկվա հայտարարությունների մասին, ասաց, որ «թաթիկները կտրելու» վարչապետի հայտարարությունը փոխաբերական իմաստ ուներ. «Հայաստանը իսլամական պետություն չէ, որ ինչ -որ մեկի ձեռք կտրեն, շարիաթով նման բան կարող է լինել, փոխաբերական իմաստով է ասել։

Բանակցային գործընթացի հարցում ԼՀԿ ղեկավարը լավատես չէ ։ Նրա խոսքով, Ադրբեջանում որեւէ հանգամանք չի փոխվել, որ այստեղ բան փոխվի։ «Հակառակը ՝իրենք սրում են, որովհետեւ նախընտրական փուլ են մտնում»,-եզրափակեց նա։

Աղբյուր` Փաստինֆո