Փաստ ինֆո

Բողոքի ակցիան կազմակերպվել է այն պատճառով, որ Ֆրանսիայի կառավարությունը որոշել է վերացնել 42 հատուկ կենսաթոշակային ռեժիմները: Նրանց շնորհիվ, արդյունաբերության որոշ աշխատողներ, օրինակ՝ երկաթուղային աշխատողներ, էներգետիկներ, իրավաբաններ և Փարիզի օպերայի աշխատողներ, կարող են մեծ կենսաթոշակ ստանալ և ավելի վաղ անցնել վաստակած հանգստի:

Օգոստոսին հաղորդվել էր, որ Ֆրանսիայի նախագահ Էմանուել Մակրոնը, որը խոստացել էր ընտրություններից առաջ՝ չբարձրացնել կենսաթոշակային տարիքը, գտել է միջոց՝ ձևականորեն պահպանելու իր խոստումը, բայց անել այնպես, որ քաղաքացիները ավելի ուշ թոշակի անցնեն: Նրա կարծիքով, արդար կլինի, եթե այն անձը, ով ավելի ուշ է սկսել իր աշխատանքային գործունեությունը, ավելի ուշ էլ ավարտի այն: Դրանից առաջ նա ցանկանում էր գտնել միջոց, որպեսզի կենսաթոշակային միջին տարիքը հասնի 64 տարեկանի:

Ֆրանսիայում կենսաթոշակային նվազագույն տարիքը տղամարդկանց և կանանց համար սահմանվում է 62 տարեկան: 82 տարվա կյանքի միջին տևողությունը ֆրանսիացիներին թույլ է տալիս ավելի երկար հանգստանալ, քան աշխարհի ցանկացած այլ երկրի քաղաքացի:

Այնուամենայնիվ, քաղաքացին ստանում է կենսաթոշակի ամբողջ գումարը, եթե նրա ստաժը 41,5 տարուց պակաս չէ: Որպեսզի կենսաթոշակը լիարժեք լինի՝ անկախ ստաժի տևողությունից, անհրաժեշտ է աշխատել մինչև 67 տարեկան: Ընդհանուր առմամբ, համակարգը, մասնագետներին չափազանց բարդ է թվացել. այն պարունակում է կենսաթոշակային 42 տարբեր ռեժիմ: Ուստի կառավարությունն առաջին տարին չէ, որ որոնում է միջոց՝ համակարգը պարզեցնելու և ֆրանսիացիներին ավելի երկար աշխատել ստիպելու: Բայց ցանկացած նախաձեռնություն բախվում է բուռն բողոքի հետ:

Աղբյուր` Փաստինֆո