Փաստ ինֆո

«Մենք խաղաղ ակցիա էինք անում, բեմադրություն էինք իրականացնում, որի համար,իմիջիայլոց, ոչ մի դրամ չի ծախսվել և բռնի ուժով մեզ ոստիկանները բերման ենթարկեցին, դրա մասին մեկնաբանություն չեմ ուզում տալ, տեսաք, որ խեղդելով ու վիրավորական խոսքերով տարան բաժին, բայց բաժնում լրիվ հակառակ պատկերն էր»,- ոստիկանության բաժնից դուրս գալուց հետո ասաց ՀՅԴ ՀԵՄ կենտրոնական վարչության անդամ, բերման ենթարկված Գոռ Սարգսյանը ։

Հիշեցնենք, որ ԿԳՄՍ նախարար Արայիկ Հարությունյանի հետ երկխոսելու եւ իրենց բարձրացրած հարցերի շուրջ բովանդակային քննարկում ծավալելու նպատակով ՀՅԴ-ական երիտասարդներն ու ուսանողները 15։00-ից հավաքվել էին նախարարության շենքի առջեւ, սակայն ոստիկանության միջոցով նախարար Հարությունյանը փոխանցել էր, որ համապատասխան ընթացակարգեր կան, որոնք երիտասարդները պետք է պահպանեն։ Այս պատասխանից հետո երիտասարդները որոշեցին խաղաղ քննարկում սկսել եւ որոշել հետագա անելիքները, մինչդեռ ոստիկանությունը նրանց 5 րոպե ժամանակ տվեց եւ բռնի ուժով նախ նախարարության մուտքի մոտից, ապա Վազգեն Սարգսյան փողոցից հեռացրեց՝ հայտարարելով, թե գործում է համաչափության սկզբունքից ելնելով։ 24 երիտասարդ բերման է ենթարկվել։

Նրա խոսքերով՝ իրենք համարում են, որ Արայիկ Հարությունյանն այլևս նախարար չէ և ուղղակի կապ չունի ժողովրդավարության հետ. «Թող մեզ սպասի իր բոլոր արտասահմանյան այցերի, մամուլի ասուլիսների ժամանակ։ Այդքան որ խոսում է ժողովրդավարությունից, ուղղակի կապ չունի դրա հետ, մենք ուղիղ ժողովրդավար, կառուցողական ձևով փորձեցինք հանդիպում կազմակերպել, նա չհանդիպեց մեզ հետ, հետո փորձեցինք օրենքից ելնելով մտնել նախարարություն, որը թույլատրվում է բոլորին, սակայն բռնի ուժով հեռացրին»։

Նրա խոսքով, ամեն կերպ նրանք մեսիջներ են ուղարկելու, որպեսզի Հարությունյանը հասկանա, որ այդ քաղաքականությամբ իրավունք չունի նախարար աշխատելու։

Մանրամասները՝ տեսանյութում։

Աղբյուր` Փաստինֆո