Փաստ ինֆո

ՀՀ երկրորդ նախագահ Ռոբերտ Քոչարյանի պաշտպանական թիմի կողմից դատական նիստերը ձգձգելու մասին հայտարարությունները տարօրինակ են։ Այս մասին լրագրողների հետ զրույցում ասաց Ռոբերտ Քոչարյանի որդին՝ Լևոն Քոչարյանը։

Նա նկատեց՝ իրենք ձգձգելու նպատակ չունեն. «Միշտ լսում ենք հեսա նենց բաներ են պարզվելու, ամբողջ նյութը կա շատ մարդկանց մոտ։ Շատ ցուցմունքներ տեսաք, որ հրապարակվեցին, գրվեցին դրանց մասին, այսինքն միշտ այդ պատրանքն են ուզում ստեղծել, որ հեսա կտեսնեք՝ ինչերա լինելու։ Ուզում եմ հիասթափեցնել, ոչինչ էլ չի լինելու, հակառակը ինչ էլ, որ լինելուա հիասթափեցնելու է այդ սպասումն ունեցողներին։ Ոչ մի բան չկա»,-նշեց Լևոն Քոչարյանը։

Նա նկատեց՝ հունիսի 25-ից հետո Ռոբերտ Քոչարյանի գործով քննությունը հետաձգվեց, քանի որ դատավոր Դավիթ Գրիգորյանը շուրջ ստեղծվեց այդ իրավիճակը, որից հետո գործը չէին մակագրում, ինչն էլ Լևոն Քոչարյանի պնդմամբ իրենց մեղքը չէր. «Աննա Դանիբեկյանը նիստերը դնում է մեկ օր ինչի՞ համար։ Օրինակ չեն ուզում բողոքեն, իրենց նոր Հայաստանի, նոր դատավոր, թող բողոքեն ամեն օր դրվի, մենք դեմ չենք։ Հիմա վիրահատության պատճառով հայրս մի քանի օր չկարողացավ գալ, սկսեցին, բժիշկ էին դարձել, դիագնոզներ էին դնում, հիմա ինչն է խնդիրը թող բողոքեն»,-հավելեց Լևոն Քոչարյանը՝ ընդգծելով, որ հիմա մի գործընթաց է, որ եթե այս փուլում փաստաբանները չանեն, օրինակ դատախազների բացարկի միջնորդություն չներկայացնեն, հետո չեն կարողանա անել։

Հարցին՝ ինչ ակնկալիքներ ունի Վերաքննիչ դատարանից, Լևոն Քոչարյանը նկատեց, որ նա նաև Աննա Դանիբեկյանից էր ակնկալում պրոֆեսիոնալիզմ ու անկողմնակալություն. «Աննա Դանիբեկյանը հետևում է իշխանության սպառնալիքներին ու կատարում է այն, ինչ ակնկալվում է նրանից։ Հիմա մյուս դատավորների մասով ակնկալիքս նույնն է, որ դրսևորեն պրոֆեսիոնալիզմ, ինչ-որ տեղ նաև խիզախություն՝ օրենքի սահմաններում գործելու»,-նշեց Լևոն Քոչարյանը։

Հեղինակ՝ Հասմիկ Կոշկարյան

Աղբյուր` Փաստինֆո