Փաստ ինֆո

Մենք այսօր երբ նախագծեր ենք ներկայացնում, ասում եք՝ բյուջեում փող չկա դատավոր պահելու։ Չհասկացա՝ էդ բյուջեում փող չկա աշխատող դատավոր պահելու, չաշխատող դատավոր պահելու համար փող կա՞։ Էս ի՞նչ աճպարարություն է։ ԱԺ պետաիրավական հանձնաժողովի նիստի ժամանակ նման կերպ արտահայտվեց «Բարգավաճ Հայաստան» խմբակցության պատգամավոր Գևորգ Պետրոսյանը։

«Ասում եք՝ փողը տանք գնա ձեր տունը նստի։ Մենք ասում ենք այսօր աշխատանքային վեճեր քննող դատավորներ, հիմա մենք նախագիծ ենք ներկայացնում, որպեսզի պատվի և արժանապատվության պաշտպանության հետ կապված հայցերը քննվեն սեղմ ժամկետներում, որովհետև մարդուն վիրավորում են, տարիներով դատարանում ռոլիկը ֆռումա, մի 7-8 անգամ նիստ են անում, խայտառակ են անում ամբողջ երկրով մեկ։ Հեսա գիտեմ ինչա պատասխանելու կառավարությունը։ Գուշակությամբ չեմ ուզում զբաղվել, տա Աստված այս անգամ սխալվեմ, բայց ասելու են դա ենթադրում է դատավորների լրացուցիչ ծանրաբեռնվածություն, բյուջեում փող չկա։ Տո եղբայր բյուջեում փող չկա աշխատող դատավոր պահելու համար, չաշխատող դատավորին անդարդ կյանքի լիազորագիր տալու համար 600 մլն փող կա՞»,-հավելեց Գևորգ Պետրոսյանը։

Նա ընդգծեց, որ իր հարցերից որևէ մեկը կոնկրետ պատասխան չստացավ։ Նա նկատեց, եթե այդ մարդիկ անպիտան են, քրեական գործի հարուցման հիմքեր կան, թող դատեն կամ կարգապահական պատասխանատվության ենթարկել, բայց եթե մարդը լավ չի աշխատում նրան միլիոններով գումար տալն ի՞նչ մոտեցում է։

Գևորգ Պետրոսյանը նկատեց, որ ՍԴ-ում որևէ ճգնաժամ չկա, այնտեղի միակ ճգնաժամը Վահե Գրիգորյանն է, որը չի աշխատում և գումար է ստանում. «Որպես ԱԺ պետաիրավական հարցերի մշտական հանձնաժողովի նախագահ, Վահե Գրիգորյանին ասեք, որ ոչ մի նիստի չես մասնակցում, ինչու՞ ես աշխատավարձ ու խրախուսում ստանում։ Եկեք վերջ տանք երկակի ստանդարտներին»,-ընդգծեց պատգամավորը։

Հեղինակ՝ Հասմիկ Կոշկարյան

Աղբյուր` Փաստինֆո