Փաստ ինֆո

Եթե մարդը նորմալ աշխատում է, ինչու չեք ուզում այդ մարդը շարունակի իր աշխատանքային գործունեությունը։ ԱԺ պետաիրավական հանձնաժողովի նիստի ժամանակ այս մասին ասաց «Բարգավաճ Հայաստան» խմբակցության պատգամավոր Գևորգ Պետրոսյանը՝ անդրադառբալով ՍԴ ադատավորների վաղ կենսաթոշակի անցնելու նախագծին։

«Եթե մարդը վատ է աշխատում, պատժեք։ Շատ մեխանիզմներ, իրավական հիմքեր կան՝ անցանկալի, օրինատյաց դատավորներից ազատվելու։ Պատժեք, ոչ թե խրախուսեք։ Այսիքնն այն դատավորները, որոնք Ձեզ համար անվստահություն են ներշնչում, ասում եք՝ գնացեք անհոգ ապրեք, սա ի՞նչ տրամաբանություն է»,-նշեց պատգամավորը՝ ընդգծելով, որ եթե մարդն անվստահություն է ներշնչում, ապա ո՞րն է նրան դրախտի «պուտյովկա» տալու իմաստը. «Դու քո վարքագծով նպաստել են ՀՀ-ում արդարադատության համակարգի նկատմամբ վստահության կորստի մթնոլորտի ձևավորմանը և փոխարենը պատժեք, խրախուսու՞մ եք։

Հարց եմ տալիս Ձեզ, որ ասացիք ինչ-որ կազմակերպություններ կան, որ դրական գնահատական են տվել, կարող եք այդ կազմակերպության անունն ասել։ Ամենևին Հրայր Թովմասյանի կողքին կանգնելու նպատակ չունեմ, որովհետև իմաստ չեմ տեսել երբևէ, բայց որ Հրայր Թովմասյանը դիմում էր Վենետիկի հանձնաժողով, ասում էիք՝ դրսից տղա ես բերում, բա էս ո՞նց է՝ դուք դիմում եք Վենետիկի հանձնաժողով, էս ի՞նչ հաշիվա։ Այսինքն Ձեզ կարելի է դիմել Վենետիկի հանձնաժողով, ուրիշներին չի կարելի՞»,-նշեց պատգամավորը։

Վերջինս ընդգծեց, որ նախագծի հետևում կանգնած է կոնկրետ անձանց Սահմանադրական դատարանից ազատելու և սեփական կադրերով ՍԴ-ն համալրելու նպատակը։

Հեղինակ՝ Հասմիկ Կոշկարյան

Աղբյուր` Փաստինֆո