Փաստ ինֆո

Հրապարակել եմ հինգ պայմանագիր, դրանցով, ընդհանուր առմամբ, 21 մեքենա է նվիրաբերվել Երևանին, որից 19-ը Երևանի աղբահանության և սանմաքրման համայնքային հիմնարկի տնօրինության տակ են անցել։ Լրագրողների հետ հանդիպման ժամանակ ասաց Երևանի քաղաքապետի մամուլի խոսնակ Հակոբ Կարապետյանը։ 

Քիչ առաջ նա ֆեյսբուքյան իր էջում հրապարակել էր այդ հինգ պայմանագրերը՝

1. Սարգիս Խուրշուդյան, Հայրապետ Հովհաննիսյան -Mercedes Benz Sprinter Chassis 516 Ֆուրգոն 2 հատ

2. «Ն և Ս Քոնսթրաքշն ՍՊԸ, աղբատար MK-1541-14 (ԳԱԶ) - 10 հատ, աղբատար KO 427-72 ԿամԱԶ- 53605-773950-48 - 2 հատ, KO440B1-01 ԿամԱԶ-65115-3081-50 – 2 հատ,

3. Հայաստանի Հանրապետությունում Չինաստանի Ժողովրդական Հանրապետության դեսպանություն, աղբատար ԿամԱԶ 65115-773962-50, 1 հատ,

4. «Ալեքս ընդ հոլդինգ» ՍՊԸ, բազմաֆունկցիոնալ ԿամԱԶ 43253-3010-69 – 3 հատ,

5. «Էյչ բի Էմ գրուպ» ՍՊԸ ԿամԱԶ 65115-773962-50, 1 հատ:

Հակոբ Կարապետյանի խոսքով ընթացքի մեջ են առնվազն 10 պայմանագրեր, որոնցով ենթադրվում է, որ քաղաքը նորանոր գույք կստանա՝ մեքենաներ, շինտեխնիկա և այլն. «Թե ինչու նախկինում չէինք հրապարակում այս պայմանագրերը և ինչու ենք այսօր հրապարակում միայն այս հինգը, որովհետև պայմանագրերը դեռ կնքված չեն։ Նվիրատվության գործընթացն իրենից որոշակի փուլեր և բանակցություններ է ենթադրում։ Եթե մենք պրոցեսը չավարտված, դեռ ընթացքի մեջ սկսենք հանրային քննարկումներ ծավալել, այն էլ այն պայմաններում, երբ կան քաղաքական քննարկումներ, որոշ դեպքերում շահարկումներ, մամուլում բամբասանքներ, այդ պայմանագրերն ու նվիրատվությունն ուղղակի կձախողվի և քաղաքը չի ունենա այն, ինչ ուզում է ունենալ»,-նշեց Հակոբ Կարապետյանը։

Վերջինս նկատեց՝ իրենք նախկինում էլ, ներկայում էլ հայտարարում են, որ քաղաքը պատրաստ է ընդունել նվիրատվություններ բոլոր այն մարդկանցից, որոնք մտադրություն ունեն մասնակցել Երևան քաղաքի զարգացմանը։

Հեղինակ՝ Հասմիկ Կոշկարյան

Աղբյուր` Փաստինֆո