Փաստ ինֆո

ՀՅԴ-ն դիմել է խորհրդարանական խմբակցություններին՝ ԿԳՄՍ նախարար Արայիկ Հարությունյանին անվստահություն հայտնելու հարցով: Այս մասին, այսօր ասել է «Լուսավոր Հայաստան» խմբակցության ղեկավար Էդմոն Մարուքյանը:

ԱԺ-ում լրագրողների հետ զրույցում ասաց Էդ. Մարուքյանը նշել է, որ ՀՅԴ-ին ոչ թե մերժել են, այլ պարզաբանել, որ մեկ այլ նախարարի անվստահություն հայտնելու գործընթաց արդեն սկսել են։ «ՀՅԴ-ից նամակ ստացել ենք, պատասխանել ենք: Ոչ թե մերժել ենք, այլ գիտեք, որ խմբակցությունները չեն կարող մեկ նստաշրջանի ընթացքում մի քանի նախարարի անվստահություն հայտնել: Գիտեք, որ մենք ֆինանսների նախարարին անվստահություն հայտնել էինք, մերժվել էր:

Եկող նստաշրջանում այլ նախարարի վերաբերյալ արդեն պրոցես կար սկսված եւ մենք չէինք կարող միանգամից մեկ այլ նախարարի վերաբերյալ պրոցես սկսեինք: Մեր խմբակցությունը սպառել է իր հնարավորությունը: Երբ մեր հարցապնդումը կքննարկվի, այդ ժամանակ հարցը մանրամասն կներկայացնենք»,-ասաց խմբակցության ղեկավարը:

Լրագրողի հարցին, թե ո՞վ է ամենավատ աշխատող նախարարը, որի շուրջ իրենք քննարկումներ են ունեցել՝ Մարուքյանը պատասխանեց. «Դեկտեմբերի նստաշրջանին կիմանաք»:

Աղբյուր` Փաստինֆո