Փաստ ինֆո

Մոսկվայի Խորոշևսկի դատարանը Մհեր Մախսուդյանին դատապարտել է 4 տարվա պայմանական ազատազրկման. նա ծեծի էր ենթարկում իր 8-ամյա աշակերտուհուն: Այս մասին  «ՌԻԱ Նովոստի» -ին հայտնել է դատարանի մամուլի քարտուղար Մարիա Մակարչուկը:

«Նոյեմբերի 25-ին դատարանը Մախսուդյանին դատապարտեց 4 տարվա պայմանական ազատազրկման», - ասել է գործակալության զրուցակիցը՝ նշելով, որ նրան նաև հարկադրել են  վճարել 100 հազար ռուբլի աղջկա ընտանիքին՝ որպես պատճառված վնասի փոխհատուցում, և նաև երկու տարով տղամարդուն արգելվել է դասավանդել:

Ապրիլին Մոսկվայում քննիչները գործ են հարուցել ՌԴ քրեական օրենսգրքի 117 հոդվածի 2-րդ մասի «գ» կետով (խոշտանգումներ կանխահայտորեն անչափահասի նկատմամբ) 23-ամյա երաժշտության ուսուցչի նկատմամբ, ով դասի ընթացքում ծեծի էր ենթարկում և վիրավորում իր 8-ամյա աշակերտուհուն: Նրան սպառնում էր մինչև 7 տարվա ազատազրկում:

Ըստ քննիչների տվյալների, մեղադրյալը 2018-ի նոյեմբերից դաշնամուրի դասեր էր տալիս 8-ամյա աղջկան՝ շաբաթը երկու անգամ: Դասավանդողը ֆիզիկական ուժի և վիրավորանքների գործածումը բացատրել է կրթական և դաստիարակչական նպատակներով: Իր գործողություններով տղամարդը ֆիզիկական և բարոյական տառապանքներ է պատճառել աղջկան, նշվում է մեղադրական եզրակացության մեջ:

Աղբյուր` Փաստինֆո