Փաստ ինֆո

Ակտիվ հրդեհաշիջման փուլում է, քիչ հետո մեկուսացման հայտարարություն կտրվի, հետհանգեցման աշխատանքներ կարվեն և կավարտվի։ Լրագրողների հետ զրույցում այս մասին հայտարարեց ԱԻՆ փրկարար ծառայության տնօրեն Վրեժ Գաբրիելյանը։

«Ուժերը բավարար են, ջրի մատակարարումը բավարար է, ոչ մի խնդիր չկա։ Մեծ հրդեհը միանգամից չի հրդեհաշիջվում։ Մարտավարությունն ընտրվում է այնպես, որպեսզի կարողանանք նախ մեկուսացնել, որ այն չծավալվի, իսկ հետո արդեն մեկուսացված տարածքում ակտիվ հրդեհաշիջում է կատարվում»,-ասաց Վրեժ Գաբրիելյանը։

Նրա խոսքով հրդեհը ոչ մի կողմի վրա չի կարող զարգանալ։ Փրկարարներն աշխատել են այնպես անել, որ տանիքից հրդեհը չներքաշվի դեպի մյուս հարկեր։ Հրդեհի պատճառը դեռ պարզ չէ, սակայն Վրեժ Գաբրիելյանի կարծիքով միանշանակ է, որ սա մարդկային գործոնի արդյունք է. «Կարող է տեխնիկական առումով օրինակ լարերը ճիշտ միացված չլինեն, հրդեհային անվտանգության կանոնները պահպանված չլինեն և հրդեհ առաջանա»,-նշեց Վրեժ Գաբրիելյանը։

Արտակարգ իրավիճակների նախարար Ֆելիքս Ցոլակյանն էլ նշեց, որ հրշեջներն արագ են հասել դեպքի վայր և կարողացել են լոկալացնել այն, որպեսզի չտարածվի և չհասնի կողքի շենքերին։ Դիտարկմանը, որ բնակիչները կարծում են՝ հրդեհը միտումնավոր է եղել, նախարարն արձագանքեց. «Ոչինչ չեմ կարող ասել։ Տեղյակ չեմ»։

Աղբյուր` Փաստինֆո