Փաստ ինֆո

Հայաստանի ֆուտբոլի ֆեդերացիայի նախագահ Արթուր Վանեցյանը հրաժարականի դիմում է ներկայացրել։

«Փաստինֆո»-ի փոխանցմամբ, րոպեներ առաջ այս մասին հայտարարեց Արթուր Վանեցյանը՝ ՀՖՖ գործադիր կոմիտեի նիստից հետո։

Վանեցյանն ասել է, որ նիտը նվիրված էր հայկական ֆուտբոլում ստեղծված հարցերի քննարկմանը։ «Իտալիայում մեր հավաքականը աննախադեպ հաշվով՝ 9-1, պարտություն կրեց, որը մեզ համար մտահոգիչ էր եւ պետք էր այդ հարցի լուծումները տրվեին։ Որպես ՀՖՖ նախագահ ես առաջակեցի, որ ընդունեն իմ հրաժարականի դիմումը»,-հայտարարեց Վանեցյանը։

Այս հայտարարությունից հետո գործկոմի անդամ Ռուբեն Ռուբինյանը հայտարարեց, որ հրաժարականն ընդունվել է, Արթուր Վանեցյանին շնորհակալություն են հայտնել համատեղ աշխատանքի համար, գնահատել միասին ունեցած հաջողությունները։ «Ընդհանուր համատեքստում քննարկելով իրավիճակը, եկել ենք եզրակացության, որ ֆեդերացիան եւ հայկական ֆուտբոլով պետք է առողջանա եւ այս առումով, թե գործկոմը ամբողջությամբ թե պարոն վանեցյանը միասին եկել են համաձայնության, որ այդ գործընթացը պետք է սկսվի պարոն Վանեցյանի հրաժարականից հետո»,-հայտնեց Ռուբինյանը՝ հավելելով, որ դեկտեմբերի 2-ին կհրավիրվի ՀՖՖ ժողով, որի ժամանակ կընտրվի ՀՖՖ նախագահ եւ նոր գործկոմ։

Նա ասաց, որ գործկոմում ներկայացված ՀԿ-ների մի մասը ֆուտբոլի հետ կապ չունեն, մյուսները կասկածելի կապեր ունեն եւ մինչեւ նոր գործկոմի ձեւավորումը պետք է մաքրման գործընթաց տեղի ունենա։

Վանեցյանն ասաց, որ երբ ընտրվեց ՀՖՖ նախագահ, դեռ այն ժամանակ էր հայտարարել, որ երկար ժամանակով այս պաշտոնը չի զբաղեցնելու, որովհետեւ այլ առաքելություն ունի։

Աղբյուր` Փաստինֆո