Փաստ ինֆո

Dark Ravens մոտոակումբն այսօր մոտոերթ է անցկացրել՝ հայ տղամարդու տեսակը քարոզելու համար։

Մոտոակումբի նախագահ, դերասան Գևորգ Գրիգորյանը «Փաստինֆո»-ի հետ զրույցում ասել է, որ հայկական արժեհամակարգի դեմ այլասերվածության տեսքով քարոզ կա և ակցիայի նպատակն է քարոզել իսկական հայ տղամարդու տեսակը։

«Մեր ակցիան ինչ-որ երեւույթի դեմ չէ, այլ հանուն մեր արժեհամակարգի, մենք կողմ ենք քարոզում, ոչ թե դեմ»,-ասաց Գրիգորյանը՝ ընդգծելով, որ այն չունի նաեւ քաղաքական որեւէ ենթատեքստ։

Հարցին, ինչ-որ կոնկրետ քայլեր տեսե՞լ եք, որ որոշել եք հենց այս առիթով մոտոերթ անել, Dark Ravens մոտոակումբի նախագահը պատասխանեց. «Ինձ թվում է բոլորն են տեսել, չեմ ուզում մանրանալ։ Մեր քաղաքում ակտիվ քարոզ կա պիղծ երևույթների, կտրված սարերում չենք ապրում, չեմ ուզում անվանական ասել, այդ ամենը կա, բոլորս էլ տեսնում ենք»։

Ճշտող հարցին՝ «Մել» ֆիլմի ֆինանսավորման մասի՞ն է խոսքը, Գրիգորյանը պատասխանեց. «Նաև..նաև..նաև, այսինքն շատ հարցեր կան։ Մենք դեմ չենք ոչ մի երևույթի, մենք դեմ ենք ինչ-որ երևույթների քարոզին, որոնք դեմ են մեր արժեհամակարգին, իսկ այդ արժեհամակարգը մենք չենք հորինել, դա մեր պապերից ժառանգած տեսակ է, արժեհամակարգ է, որի դեմ հիմա քարոզ է տեղի ունենում այլասերվածության տեսքով»։

Նա մտահոգ է՝ հայ տղամարդու արժեհամակարգը սկսել է քնել, մի քիչ պասիվացել է, համբերատար է դարձել, որի ուղղությամբ «դրսից» աշխատում են։

«Տղա եղեք» խորագրով ակցիան փորձելու է համախմբել հայ տղամարդկանց։

Մանրամասները՝ տեսանյութում։

Հեղինակ՝ Սոնա Գեւորգյան

Աղբյուր` Փաստինֆո