Փաստ ինֆո

«9-1 հաշվով պարտությունն որևէ բացատրություն չունի և որևէ արդարացում էլ չունի»,-այս մասին այսօր լրագրողների հետ ճեպազրույցում ասել է Հայաստանի ֆուտբոլի ֆեդերացիայի գործկոմի քարտուղար, «Իմ քայլը» խմբակցության պատգամավոր Արեն Մկրտչյանը՝ անդրադառնալով երեկ տեղի ունեցած Հայաստան-Իտալիա խաղին, որի ժամանակ Հայաստանը պարտվել է 9-1 հաշվով։

Մկրտչյանը նշել է, որ այն, ինչ վերջին շրջանում տեղի ունենում ՀՖՖ-ում անընդունելի է. «Մենք այս մասով գործկոմի փակ նիստում մեր դիրքորոշումը հայտնել ենք, թե ինչպես կանոնակարգային կոպտագույն խախտումներով փորձում էին մարզիչ նշանակել՝ առանց գործկոմի ներգրավման»։

ՀՖՖ գործկոմի քարտուղարի խոսքով, տեղի ունեցածի պատասխանատուն մարզիչն է, սակայն Աբրահամ Խաշմանյանն ընդամենը երկրորդ խաղն է, ինչ գլխավորում է ֆուտբոլի Հայաստանի ազգային հավաքականը։

«Մեղավոր են բացառապես բոլորը, և թիվ մեկ պատասխանատուն Ֆուտբոլի ֆեդերացիայի նախագահն է և պետք է 9-1 հաշվով պարտությանը բացատրություն տան»,-ասաց Մկրտչյանը։

Հարցին, ՀՖՖ նախագահ Արթուր Վանեցյանը պե՞տ ք է հրաժարական տա, նա պատասխանեց. «Առայժմ մեր օրակարգում նման հարց չկա, երբ լինի կտեղեկացնենք»։

Մեկ այլ հարցին, այն որ պարեն Վանեցյանն այլևս Ձեր թիմի անդամ չէ, նպաստե՞լ է նման կարծիքի՝ Մկրտչյանը պատասխանեց. «Վանեցյանը եղել է ԱԱԾ տնօրեն և երբևէ մեր թիմի անդամ չի եղել։ ԱԱԾ տնօրենը երբևէ որևէ թիմի անդամ լինել չի կարող»։

Հեղինա՝ Սոնա Գեւորգյան

Աղբյուր` Փաստինֆո