Փաստ ինֆո

Դատարանը մի դեպքում ասում է՝ այս օրենքը ձեզ համար գործում է, իսկ մյուս դեպքում ասում է, որ չի գործում։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի փաստաբան Հովհաննես Խուդոյանը։

«Դատարանը երկու դեպքում արձանագրում է, որ կա խոչընդոտելու հիմք։ Մի դեպքում նշում է, որ խոչընդոտելու դեպքում օրենքով թույլատրվում է գրավ կիրառել, մեկ այլ դեպքում նշում է, որ գրավը չի թույլատրվում կիրառել»,-ասաց Հովհաննես Խուդոյանը։

Նա ընդգծեց, որ դատարանը կարող է նշել՝ գրավը կարող է կիրառել այս դեպքում, բայց չեմ կիրառում, որովհետև գործում կան մի շարք հանգամանքներ, բայց Հովհաննես Խուդոյանի խոսքով դատարանը չի ասում, որ գրավն առհասարակ կիրառեի կարո է լինել։ Նշում է, որ գրավ հնարավոր չէ կիրառել․ «Հենց դա է տարբերակված մոտեցումն այն գործերի, երբ ինքն ասում է, որ րավը հնարավոր չէ կիրառել։ Դատարանը մեզ պատճառաբանված որոշում չի տալիս, բայց խոսքն այստեղ վերաբերում է երկու գործերով օրենքի ոչ փաստական հանգամանքներին; Օրենքի տարբեր մեկնաբանություններին»,-նշեց Խուդոյանը։

Նա ընդգծեց, որ երբ օրենքը երկու գործերով մեկնաբանվում է տարբեր կերպ, գործ ունենք կանխակալ վերաբերմունքի հետ, որն էլ Աննա Դանիբեկյանին ինքնաբացարկի միջնորդություն ներկայացնելու հիմքը․ «Դատարանը չի կարող տարբեր գործերով օրենքը տարբեր կերպ կիրառել։ Այսինքն դատարանը չի կարող ասել, որ օրինակ այս հոդվածը ձեր համար գործում է, իսկ մեկ այլ անձի համար չի գործում։ Դատարանը միշտ պետք է կիրառի հոդվածը և այդ հոդվածի շրջանակներում գնահատի՝ փաստերը բավարարում են, թե ոչ»,-հավելեց Հովհաննես Խուդոյանը։

Հարցին՝ շարունակվելու են պաշտպանական խմբի կողմից ներկայացվող միջնորդությունները, թե ոչ Հովհաննես Խուդոյանն արձագանքեց․ «Ունենք ևս մի քանի միջնորդություններ՝ կապված գործի վարույթը կարճելու, ապացույցների թույլատրելիության, դատավարության մասնակիցների կազմի հետ կապված; Մենք դեռ չենք սպառել նախնական այն բոլոր միջնորդությունները, որոնք այս փուլում պետք է տրվեն դատարանին»,-ասաց Խուդոյանը։

Դիտարկմանն արդյոք կարելի է ենթադրել, որ այս տարի դատաքննության փուլ չի թևակոխի, Հովհաննես Խուդոյանն ասաց «Կախված է նրանից, թե մեր դատավարական հակառակորդներն ինչքան ենշարունակելու խեղաթյուրել մեր միջնորդությունների իմաստը»,-հավելեց փաստաբանը։

Աղբյուր` Փաստինֆո