Փաստ ինֆո

Այս պահին ընթանում է Հանրային խորհրդի նիստը, որի օրակարգում 2 հարց է՝ ՀԽ շուրջ ստեղծված իրավիճակն ու Արցախի հետ կապված այն հարցերը, որոնք Հանրային խորհուրդը կարող է քննարկել։ 

«Թերթերում մեղադրանքներ եղան, թե ինչու ՀԽ-ն չի քննարկում Արցախի հարցը, ես քիչ բան եմ տեսնում այդտեղ քննարկելու, ներկայացնեմ, թե ինչ հարցեր եմ տեսնում, որոնք կարող ենք քննարկել»,-նշեց Վազգեն Մանուկյանը։

Վազգեն Մանուկյանը կարճ խոսեց Ղարաբաղյան շարժման մասին, ասաց, որ այն ազդեց ոչ միայն հայ ժողովրդի այլեւ Խորհրդային Միության ճակատագրի վրա։

«Մենք հազարավոր կյանքեր ենք տվել այդ հարցը լուծելու համար, դա դարձավ մեր ժողովրդի ամենակարեւորագույն հարցը, որի տակ ստորագրել է ամբողջ ժողովուրդը»,-շեշտեց նա ու հավելեց, որ առաջին փուլն ավարտվեց 1994 զինադադարով եւ այդ հատվածը քննարկման ենթակա չէ։
2-րդ փուլը, ՀԽ նախագահի խոսքով, բանակցային փուլն է, երբ Արցախի ու Հայաստանի ժողովուրդը լիազորեց իր ղեկավարներին՝ գնալ բանակցություների եւ բանակցությունների միջոցով գտնել վերջնական լուծում , որը ընդունելի կլինի հանրության կողմից՝ միջազգային օրենքներով հաստատված. «Բայց մի սահմանափակում դրեցին. ՀՀ խորհրդարանը 1992 թ. մի որոշում ընդունեց, որ որեւէ փաստաթուղթ, որի մեջ կնշվի , որ Ղարաբաղը Ադրբեջանի կազմի մեջ է ընդունելի չէ ոչ արտաքին հարաբերություններում, ոչ՝ ներքին։ Այսինքն, մենք մեր ղեկավարներին ուղարկելով բանակցությունների, մի սահմանափակում ենք դրել՝ ոչ մի տեղ չպետք է այդպիսի պնդում լինի»,-ընդգծեց Վազգեն Մանուկյանը։

Նա ասաց, որ բանակցությունները երկար տեւեցին, տարբերակների մի մասին մենք գիտիենք, մի մասի՝ ոչ։ Մանուկյանն ասաց, որ ՀԽ գործը չէ՝ քննարկել այդ տարբերակները՝ ընդհանուր պետություն Քիուեսթի բանաձեւը Մադրիդ, Կազան եւ այլն։ «Դա մեր գործը չէ մենք պահանջել ենք մեր ղեկավարներից, որ գնան համաձայնեն ինչ-որ մի լուծմանը՝ նոր ներկայացնեն ժողովրդին։ Այստեղ մենք քննարկելու հարց չունենք, մինչեւ մեզ չներկայացվի տարբերակ, որը պետք է քննարկել»։

Վազգեն Մանուկյանն ասաց, որ 20 տարուց ավելի է Հայաստանը ձեռք է բերել կառուցողական կողմի , իսկ Ադրբեջանը՝ ձախողող համարում։
«2016թ-ին տեսնելով, որ բանակցություներով ոչ մի բանի չի կարողանում հասնել, իսկ հարցը հնանում է եւ ի վնաս իրրենց է, սկսեցին պատերազմ։ Քառօրյա պատերազմը դա դիվերսիոն հարձակում չէր, մեծածավալ պատերազմ էր, փորձ ՝ տեսնել պատերազմով կարո՞ղ են լուծել հարցը, թե ոչ, եթե հաջողության հասնեին՝ ամբողջ ճակատով ռազմական գործողություններ էին սկսվելու»։

ՀԽ նախագահի խոսքով, մենք ունեցանք կորուստներ, տեսնաք թերություններ, որոնք կան բանակում եւ պատերազմից հետո սկսեցին մաքրվել, բայց Ադրբեջանը տեսավ, որ պատերազմով չի կարող հաղթել եւ դա Հայաստանի եւ Արցախի հաղթանակն է։ «Մի երկու բարձունք կորցրեցինք, որոնք տակտիկական բաներ են։ Դրանից հետո բանակցությունները ավելի բարենպաստ փուլ մտան»,-նշեց ՀԽ նախագահը՝ խոսելով Վիեննայի եւ Պետերբուրգի համաձայնություններից ։

«Դրանից հետո հիմա մեզ մոտ անորոշություններ են, մենք չենք իմանում ինչ բանակցություններ են, որն է տեսլականը, ինչ պետք է լինի։ Կարծում եմ, որ այստեղ քննարկելու հարց կա, բայց ոչ թե պետք է քննարկենք ԼՂ հարցի ներկա փուլը, այլ ճիշտ կլիներ, որ վարչապետը փակ նիստով ներկայացներ իր կարծիքը », -ասաց Վազգեն Մանուկյանը։

Երկրորդ հարցը, նրա խոսքով, Հայաստանի ու Արցախի փոխհարաբերությունների հարցն է։

Մանրամասները՝ տեսանյութում։

Աղբյուր` Փաստինֆո