Փաստ ինֆո

«Իմ քայլը» խմբակցության նիստում քննարկվել են հարցեր, որոնք հնչել են պատգամավորների կողմից։
Այս մասին այսօր նիստի ավարտից հետո հայտնել է ԱԺ փոխնախագահ Ալեն Սիմոնյանը։

Նա նշել է, որ ՍԴ-ի հետ կապված կոնկրետ հարց չի հնչել, սակայն ընդհանուր խոսվել է։

Հարցին, ԿԳՄՍ նախարար Արայիկ Հարությունյանի պաշտոնից ազատման վերաբերյալ հարց եղե՞լ է՝ Սիմոնյանը պատասխանեց. «Ինչու՞ պետք է Արայիկ Հարությունյանը պաշտոնից ազատվի։ Եթե ինչ-որ մարդիկ պետք է որոշեն՝ որ ներկայացումն է լավը և որը վատը ու դրա պատճառով ինչ-որ բաներ պահանջեն, ես կարծում եմ, որ մենք ոչնչի չենք հասնի։ Մեկին «կլկլոց» է դուր գալիս, երգում է «կլկլոց» երգող երգչի հետ ու դա թուրքական չի համարում, արաբական չի համարում ու այդ երգերը դնում է իր պատին, հետն էլ գրում է ախպերս։ Այսինքն` մենք պետք է որոշենք, որն է լավը որը վա՞տ»։

ԱԺ փոխնախագահը նշեց, որ ավելի կարևոր թեմաներ կան, քան այն թեման, որ բոլորն ուզում են շրջանառության մեջ դնել. «ՀՀ իշխանությունն այնպիսին է ինչպիսին կա, այն բարոյականության, արժեքների կրողը, որը հռչակվել է և բոլոր հայերին հարիր վարվելակերպ է»։
Սիմոնյանն ասաց, որ իրենց իշխանությանը վարկաբեկել չի ստացվելու, քանի որ ՀՀ քաղաքացին գիտի՝ մարդկանց փող են տալիս այդ նպատակով։

Նա նաև հայտնեց, որ հանրային խորհրդի մասին նույնպես հարց է հնչել։

«Ես անձամբ մնացել եմ իմ կարծիքին, որ հանրային խորհուրդը անիմաստ կառույց է։ Վարչապետը հնչեցրեց իր կարծիքը, խոսեց վերաբերմունքի մասին, որը կարծում եմ՝ այս պահին ճիշտ չէ հնչեցնել», -ասաց Սիմոնյանը։
Մանրամասները՝ տեսանյութում։

Աղբյուր` Փաստինֆո