Փաստ ինֆո

Ստամբուլյան կոնվենցիան ՀՀ-ում չի վավերացվելու, որովհետև մեր երեխաները և հետագա սերունդները պետք է ապրեն ավանդական Հայաստանում։ Այս մասին «Փաստինֆո-ի թղթակցի հետ զրույցում ասել է Երևանի ավագանու նախկին անդամ Սոնա Աղեկյանը՝ անդրադառնալով Ստամբուլյան կոնվենցիայի վավերացմանը։

«Միայն անվանումը հերիք է, որ մենք այն չվավերացնենք»,- ասաց Աղեկյանը։

Ինչ վերաբերում է Ստամբուլյան կոնվենցիայի 53-րդ հոդվածին, ապա Աղեկյանը նշեց. «Ընտանիքում բռնություններ չպետք է լինեն և միայն խոսվում է կանանց մասին։ Մինչդեռ մենք ունենք փաստեր, որ ընտանիքում բռնություն կարող է լինել ոչ միայն կանանց հանդեպ, այլև՝ տղամարդկանց։ Սրա դեմ պայքարելու համար արդեն ՀՀ ստորագրել է և ունի վավերացված փաստաթուղթ, որի համաձայն մենք պայքարում ենք բռնության դեմ։ Հավելյալ կոնվենցիաներ Հայաստանին պետք չէ պարտադրել, ինչպես նաև՝ պետք չէ պարտադրել այլասերվածություն»,- նշեց Աղեկյանը՝ շեշտելով, որ այս ամենը արվում է, որպեսզի այլասերվածությունը ներմուծվի մեր կենցաղ, իսկ այլասերվածությունն իր հետ բերում է սեռավարակներ և բնաջնջում։

«Իսկ ինչ էր անում Օսմանյան Թուրքիան 1915թ.-ին հայ ժողովրդի հետ։ Ուզում էր վերացնել, բնաջնջել։ Սա արդեն մենք օրինական վավերացնում ենք, որպեսզի բնաջնջումն ապահովենք»,- նշեց Աղեկյանը։

Նրա խոսքով՝ բոլորս էլ գիտակցում ենք, որ երկու տղամարդու կամ երկու կնոջ միջև ամուսնությունից սերունդ չի ծնվի։

«Երբ կինը ծննդատանն է, ունի երկու տարբերակ՝ կա՛մ ծննդաբերելու է իգակն սեռի պտուղ, կա՛մ ծննդաբերելու է արական սեռի պտուղ։ Երրորդ սեռ բնությունը մեզ չի պարգևում։ Երրորդ սեռը անոմալիա է »,- նշեց Աղեկյանը։

«Բոլորս միասնական պետք է լինենք։ Այստեղ կապ չունի՝ մեկը նիկոլական է, մեկը սերժական է, մեկը լևոնական է, մյուսը՝ քոչարյանական է, մեկը պիցայակեր է, թե լոբով ճաշ է ուտում։ Սա անկախ ամեն ինչից պետք է համախմբի բոլորիս։ Ազգային գաղափարախոսությունն այստեղ մեկն է՝ թույլ չենք տալու բնաջնջել, թույլ չենք տալու այլասերվածություն ներմուծել ՀՀ կենցաղ»,- ասաց Աղեկյանը՝ հավելելով. «Եթե մենք ներմուծում ենք ԼԳԲՏ համայնք, մեր կենցաղում, փողուցներում տեսնում ենք երկու տղամարդ իրար ձեռք բռնած քայլում են և դա կարծես թե սվորական է դառնում մեր երեխաների աչքերին,սա պետք է մերժվի։

Հենց պետք է Նիկոլն ինքը սա մերժի։ Ինքն էլ մի քանի երեխա ունի և վստահ եմ, որ իրեն էլ դուր չի գա, որ իր որդին ամուսնանա տղայի հետ, իսկ աղջիկներն էլ աղջիկների հետ և սրանով վերանա իր ցեղը»։

«Փաստինֆո»-ի թղթակցի դիտարկմանը, որի համաձայն՝ նախարարն ասել էր, որ այդ կետերը կոնվենցիայում չկան և ընդամենը մանիպուլատիվ շահարկումներ են, Սոնա Աղեկյանը պատասխանեց. «Ուրեմն նա չի կարդացել կոնվենցիան»։

Մանրամասները՝ տեսանյութում

Հեղինակ՝ Իզաբել Սահակյան

Աղբյուր` Փաստինֆո