Փաստ ինֆո

Անթույլատրելի է, որ մեր երկրում «Ստամբուլյան կոնվենցիան» գործի և այդ չարիքի դեմ պետք է բոլորը պայքարեն։ Այս մասին լրագրողների հետ զրույցում ասաց ռազմական քաղաքական գործիչ Գևորգ Գևորգյանը։

Նա նկատեց, որ ասում են՝ նախկին իշխանություններն են դա ստորագրել, բայց իրականում այս հայեցակարգը նորից խորհրդարան բերելու և վավերացնելու նախաձեռնությունը եղել է ներկա իշխանություններինը. «Ի դեմս Նիկոլ Փաշինյանի, որ բերել էր կառավարություն իրենց հնգամյա նախագծերի փաթեթը։ Սա իր մեջ պարունակում է ամբողջությամբ մեր երկրի, պետականության, գաղափարախոսության, ազգային շահերի ամբողջական կործանումը»,-ասաց Գևորգ Գևորգյանը։

Այն, որ Եվրոպան այժմ կորցնում է իր դեմքը, մշակույթը Գևորգյանի կարծիքով գալիս է նրանից, որ ժամանակին չեն կարողացել ազգային գնահատական տալ։ Ռազմական քաղաքական գործիչը վստահ է՝ նույնն այսօր սպառնում է Հայաստանին։

Ի կարծիքով գործող իշխանությունը կողմ է կոնվենցիայի վավերացմանը. «Եթե նույնիսկ կողմ չեն, լռությունը համաձայնության նշան է։ Թող իրենք իրենց բողոքի ձայնը բարձրացնեն։ Իսկ իրենք իրենց տարբեր գործողություններով փորձում են սա օրինականացնել։ Այսօր ԿԳՄՍ նախարարն արդեն պարտադիր ուսումնական ծրագրից հանում է և՛ ռազմագիտությունը, և՛ մեր եկեղեցու պատմությունը։ Սրանք մեր երկրի քայքայիչ կործանման առաջին քայլերն են»,-հավելեց Գևորգ Գևորգյանը։

Հավելենք, որ այսօր Ստամբուլյան կոնվենցիան քննարկվելու է ԱԺ պետաիրավական հարցերի, արտաքին հարաբերությունների և մարդու իրավունքների պաշտպանության և հանրային հարցերի մշտական հանձնաժողովների համատեղ նիստում, որին մասնակցելու են նաև Եվրոպայի խորհրդի մարդու իրավունքների գրասենյակի ներկայացուցիչները։

Հավելենք, որ այսօր Ստամբուլյան կոնվենցիան քննարկվելու է ԱԺ պետաիրավական հարցերի, արտաքին հարաբերությունների և մարդու իրավունքների պաշտպանության և հանրային հարցերի մշտական հանձնաժողովների համատեղ նիստում, որին մասնակցելու են նաև Եվրոպայի խորհրդի մարդու իրավունքների գրասենյակի ներկայացուցիչները։

Հեղինակ՝ Հասմիկ Կոշկարյան

Աղբյուր` Փաստինֆո