Փաստ ինֆո

Ուրախ ենք, որ Սերժիկի գլուխը գնացել է, բայց ողնաշարը՝ դատաիրավական համակարգը մնացել է, այսօր ուղղակի փախան։ ԱԺ փոխնախագահ Ալեն Սիմոնյանի հետ զրույցում ասացին խաղաղ պայմաններում զոհված զինծառայողների մայրերը ։ Նրանք պնդում են՝ քննիչների համակարգը պետք է վերացնել։

«Այսքան սպանված զինվորներ ենք ունեցել, առ այսօր ունե՞նք գոնե մեկ զինվորի բացահայտված գործ։ Նախկին իշխանության տականքները, որոնք կոծկել են այս քրեական գործերը, կատարել են հանցագործություն, ՔԿ նախագահից սկսած դատախազությունից վերջացրած, այդ բոլորը թաթախված են մեր էրեխեքի քրեական գործերը կոծկելու մեջ, դրա համար չեն կարող այս գործը բացահայտել»,-ասաց մայրերից մեկը։
Ալեն Սիմոնյանը նկատեց, որ բոլոր այն մարդիկ, որոնք թաթախված են եղել նման գործերում, օրենք են խախտել, անկախ նրանից այսօր ամենաբարձր պաշտոնին են, թե ոչ, հերթով գնալու են. « Ես ձեզ խոստանում եմ։ Ժամանակի խնդիր է, կարևորը քաղաքական կամքն է»,-ասաց Ալեն Սիմոնյանը։

Հեղինակ՝ Հասմիկ Կոշկարյան

Աղբյուր` Փաստինֆո