Փաստ ինֆո

Նաիրի Հունանյան, Նիկոլ Փաշինյան՝ այս երկու կերպարներին հոգեբանական հարթության մեջ միավորողը նախևառաջ նրանց ներքին մղումներն են և իրենց ներսը դուրս հանելու, հրապարակայնացնելու մոտիվացիաները, որոնք ըստ էության, շատ համընկնումներ ունեն: Նրանք երկուսն էլ էգոցենտրիկ վրիժառուի կերպարներ են: Փաշինյանին մանիպուլյացիաների միջոցով՝ սիրո քողի տակ ատելություն, հանդուրժողականության քողի տակ տոտալ ժխտման և անհանդուրժողականության տարածմամբ հաջողվեց իր անձի հոգեբանական յուրահատկությունները տեղափոխել հանրույթի վրա: 

Երկուսն էլ համարում են, որ իրենք արդարության համար են պայքարել-պայքարում: Երկուսն էլ իրենց փրկիչ են համարում՝ անարդարության մեջ գտնվող ժողովրդի: Երկուսն էլ ահավոր ամբիցիոզ են: Երկուսին էլ առաջ է մղում իրենց էգոն:
Սակայն նրանց ճակատագիրն այս պահի դրությամբ այլ կերպ է դասավորվել: Ազատության հրապարակում և Ֆրանսիայի դեսպանատան մոտ 2008-ի մարտի 1-ին Նիկոլ Փաշինյանի հնչեցրած մտքերն, անխոս, աղերսներ ունեն 1999 թվականին ԱԺ դահլիճը կրակահերթի տակ առած Նաիրի Հունանյանի հայտարարությունների հետ:

Հիմա այս երկուսի՝ Հերոստրատի համբավին արժանացածի և ժողովրդի կույր սիրուն արժանացածի մեջտեղում կանգնած է ևս մեկը վրեժով լցված՝ Արման Բաբաջանյան անունով, որը նոր ժամանակներում մուտացիաների ենթարկված կամավոր օգտագործվում է՝ արտահայտելով Նիկոլ Փաշինյանի մտքերն ու ցանկությունները: Հիշենք, որ նույն կամավորությամբ Փաշինյանն էր իրեն Լ.Տեր Պետրոսյանի հետնորդ կարգել:

ՈՒ այս երեքի հոգեհայրը Տեր-Պետրոսյանն է, իսկ բոլորին միավորողը մեկ բան է՝ նրանք պետությունը ներսից քանդող, ավերող, ազգը սև-սպիտակի բաժանող, միմյանց դեմ հանող, մարդկանց մեջ ատելություն սերմանող տեսակ են: Արարելը, բարձր նպատակները նրանց հակացուցված են: Ատելության և վրեժի ասպետներ են:

Հեղինակ՝ Մարինե Մինասյան

Աղբյուր` Փաստինֆո