Փաստ ինֆո

Քիչ առաջ ՀՀ վարչապետ Նիկոլ Փաշինյանը կառավարության շենք՝ իր աշխատավայր մտավ՝ ուղիղ եթերում։

Այս մասին վարչապետ Փաշինյանը հանրությանը տեղեկացրեց իր Ֆեյսբուքյան էջի միջոցով։ «Գնում եմ կառավարություն»,-սոցցանցում գրել էր Փաշինյանն ու կից հրապարակել ուղիղ եթերի տեսանյութը։ Մոտ 3 րոպե 18 վայրկյան տեւողությամբ ուղիղ եթերի ընթացքում վարչապետը Հանրապետության հրապարակից անվտանգության աշխատակիցների, վարչապետի օգնական Նաիրի Սարգսյանի եւ ՀՀ բարձր տեխնոլոգիական արդյունաբերության նախարար Հակոբ Արշակյանի ուղեկցությամբ քայլեց դեպի կառավարության շենք։

«Վայյ մեր գաաանձ մեր Պարոն վարչապետ՝ սիրում ենք ձեզ», «Աստծո օրհնյալ վարչապետս» եւ նմանօրինակ հիացական մեկնաբանությունների թվում վարչապետին նաեւ քննադատողներ եղան։ «Գնում ես, գնա ,յանի ժողովրդի հետ եմ տալիս առնում»,-գրել էր օգտատերերից մեկը, իսկ մեկ այլ օգտատեր էլ հիշել էր նախարարների աշխատավարձերը կրկնակի բարձրացնելու մասին՝ նկատելով.«Ափսոս որ մեկ մեկ սխալվումա 60000 աշխատավարձը մոռանում են միլիոն ու կեսը իրանք են ստանում», մի օգտատեր էլ հարցրել էր. «О чём прямой эфир?»։

Դժվար է ասել վերը նշված մեկնաբանություննե՞րն են պատճառը, թե ոչ, բայց ուղիղ եթերի հրապարակումից քիչ անց Փաշինյանը խմբագրեց տեսանյութին կից «Գնում եմ կառավարություն» գրառումը եւ նոր գրառում թողեց.«Երեւանում զբոսանքի հրաշալի եղանակ է. բայց աշխատանքային օրը դեռ չի ավարտվել:)»։

Աղբյուր` Փաստինֆո