Փաստ ինֆո

Այն, որ դատարանները տևական ժամանակ է գործում են գերծանրաբեռնվածության պայմաններում այդ մասին մեկ անգամ չէ որ բարձրաձայնել են դատավորները, սակայն ինչպես ասվում է՝ ձայն բարբառոյ յանապատի: Գործերի քանակն ավելանում է, դատավորներինը՝ ոչ: Եվ մինչ Արդարադատության նախարարությունը Դատական օրենսգրքի փոփոխությունների նախագծով առաջարկում է դատավորների թեկնածուների տարիքային շեմը 28-ից 25-ի իջեցնել, որն առերևույթ կլուծի կամ ստեղծված իրավիճակում գայթակղիչ կդաձնի դատավորի պաշտոնը՝ խախտվում է քրեական դատավարության օրենսգրքի 17-րդ հոդվածի պահանջը՝ յուրաքանչյուր անձի վերաբերյալ ողջամիտ ժամկետում գործի քննության իրավունքը:

«Փաստինֆո»- ի տեղեկություններով, առաջիկայում կդադարեցվի ևս մեկ դատավորի լիազորություններ, ինչը նշանակում է, որ թափուր հաստիքների թիվը կավելանա:

Կոտայքի մարզի ընդհանուր իրավասության դատարանի դատավոր Աշոտ Խաչիկյանի լիազորությունները կդադարեցվեն քանի որ նոյեմբերի 18-ին լրանում է նրա 65-ամյակը, ի թիվս մյուս մարզերի ընդհանուր իրավասության դատարանների՝ Կոտայքի մարզում ևս դատավորի թափուր հաստիք կլինի:

Այս պահի դրությամբ՝ Հայաստանի Հանրապետությանում 14 թափուր հասիքից երեքը Երևան քաղաքի առաջին ատյանի ընդհանուր ընդհանուր իրավասության դատարանում է՝ ընդ որում 2-ը քրեական և 1-ը քաղաքացիական:

Ինչ վերաբերում է մարզերին, ապա Շիրակի մարզի ընդհանուր իրավասության դատարանում առկա է 4 թափուր հաստիք, Արարատի և Վայոց ձորի, Լոռու և Սյունիքի մարզերում՝ 2-ական թափուր հասիքներ, իսկ Տավուշի մարզի առաջին ատյանի ընդհանուր իրավասության դատարանում՝ 1 հաստիք:

Հեղինակ` էլեն Առաքելյան