Փաստ ինֆո

Կրծքագեղձի իմպլանտի ամերիկյան արտադրողներից պահանջել են մանրամասնորեն բացատրել կանանց՝ փոխպատվաստման վիրահատությունների հնարավոր վտանգավոր հետևանքները: Համապատասխան հայտարարությունը հրապարակել է ԱՄՆ սննդամթերքի և դեղորայքի որակի սանիտարական հսկման մասով վարչությունը: Ինչպես նշված է տեքստում, իմպլանտների փաթեթների վրա պետք է գրվի, որ դրանք տեղադրվում են ոչ մեկընդմիշտ՝ մնացած ամբողջ կյանքի ժամանակահատվածի համար, և, որ ժամանակի ընթացքում լուրջ հիվանդությունների վտանգը մեծանում է:

Գործակալությունը խորհուրդ է տվել նախազգուշացնել կանանց, որ սիլիկոնային կրծքերը կարող են հանգեցնել քաղցկեղի, օրինակ՝ լիմֆոմայի (սա ավշային հյուսվածքի ուռուցք է): Բացի այդ, հիվանդները հաճախ ունենում են ախտանիշեր, որոնք ոչ պաշտոնապես համակցված են «կրծքի իմպլանտի հիվանդություն» անվան տակ՝ հոգնածության զգացում, հոդերի և մկանների ցավ, ուշադրության կենտրոնացման հետ խնդիրներ և մշուշապատ գիտակցության այլ նշաններ:

Ավելի վաղ շատ կանայք դժգոհում էին, որ ոչ ոք նախօրոք չի ասել իրենց սիլիկոնային կրծքերի իմպլանտի վտանգավոր հետևանքների մասին: Նշվում է, որ ԱՄՆ-ում տարեկան 400 հազար կին «ձեռք է բերում» արհեստական կրծքեր: Հարկ է նշել, որ նրանց 25% -ից քիչ կանայք են միայն, որ ստիպված են լինում դա անել բժշկական պատճառներով, այսինքն՝ կրծքագեղձի ուռուցքների հեռացումից հետո: Մնացած բոլորը հայտնվում են վիրահատական սեղանի վրա կոսմետիկ նպատակներով՝ կրծքերը մեծացնելու համար:

Ավելացնենք, որ Միացյալ Նահանգներում հաշվարկվել է իմպլանտների փոխպատվաստումից հետո լիմֆոմայից կանանց մահվան 33 դեպք, իսկ այս հիվանդությամբ սիլիկոնային կրծքեր ունեցողների ընդհանուր թիվը 573 է:

Աղբյուր` Փաստինֆո