Փաստ ինֆո

Հավասար հնարավորությունների և Ժողովրդավարական նոր հասարակարգի ստեղծման, կաշառակերության և կոռուպցիայի դեմ պայքարի  գաղափարով իշխանության եկած Նիկոլ Փաշինյանի բազմաթիվ քայլեր հետաքրքիր կերպով աղերսվում են  Կարմիր կխմերների բռնակալ  առաջնորդ Պոլ Պոտի քայլերի հետ:

Վերացնել կոռուպցիան,  չեզոքացնել Կամբոջայի հավերժական կախվածությունը արտասահմանյան երկրներից, կարգուկանոն, օրինականություն հաստատել երկրում՝ Պոլ Պոտի կառավարության հանգույն, ինչպես տեսնում եք՝ Փաշինյանն էլ, իր առջև նման  խնդիրներ էր  դրել:

Իհարկե, Պոլ Պոտի համեմատ, որն ի սկզբանե հայտարարել էր, թե իր գաղափարների իրականացման համար առաջին հերթին կոպիտ քաղաքական վարչակարգ պիտի ստեղծի, Փաշինյանն այլ մեթոդ ընտրեց: Ասել  մի բան, անել՝ ճիշտ հակառակը՝ թերևս այսպես կարելի է բնորոշել փաշինյանական մեթոդոլոգիան:

Նրա հայտարարած՝ այսպես կոչված՝ թավշյա հեղափոխությունը, որ սիրո և համերաշխության, բաց ձեռքերի հեղափոխություն էր նաև ներկայացվում, բոլորիս աչքի առաջ գնալով ավելի ու ավելի կոշտուկոպիտ դարձավ, իսկ սիրո և համերաշխության փոխարեն՝ ատելության ու թշնամանքի  դոզան երկրում այնքան ավելացավ, որ մեկ ընտանիքի անդամներն են այսօր իրար դեմ ելած՝ սուր ճոճում միմյանց դեմ:

Բաց ձեռքերի հեղափոխություն ասելով էլ, թերևս Փաշինյանը նկատի էր ունեցել մարդկանց վրա ազդեցությունների ու ճնշումների բարոյահոգեբանական ցանկացած ստոր ու նենգ եղանակ, որն այսօր կիրառվում է իր ու իր ենթակաների կողմից: Հենց նման մեթոդով է այսօր Փաշինյանը ճնշումների ենթարկում ՍԴ նախագահ Հրայր Թովմասյնաին՝ ուղղակի թքած ունենալով օրենքի ու իրավունքի վրա:

Օրենսդիր, գործադիր և դատական իշխանությունները գրպանը դրած՝  Փաշինյանը Պոլ Պոտի նման ինքնադատաստան է տեսնում իր համար բոլոր անցանկալիների հետ՝ այդպիսով տոտալ կերպով փոշիացնելով հանրապետության բոլոր ինստիտուցիոնալ կառույցները:

Պոլ Պոտը Երկրի ամբողջ բնակչությունը բաժանել էր  կատեգորիաների: Առաջինը՝ «հիմնական ժողովուրդն» էր, գյուղացիները,  երկրորդը` այսպես կոչված՝  «նոր ժողովուրդը», որ այնտեղ՝ Կամբոջայում՝ անվանվում էին՝  «ապրիլի 17-ի մարդիկ», ինչպես մեզ մոտ՝ Հայաստանում՝ «ապրիլի 23-ի»:

Երրորդը` մտավորականությունն էր, հետադիմական հոգևորականությունը, նախկին վարչակարգում պետական համակարգում աշխատած և ծառայած մարդիկ, Լոն Նոլի բանակում ծառայություն անցած զինվորականները,  սպաները և սերժանտները…Ինչպես տեսնում եք՝ և մտավորականների, և հոգևորականության ու  զինվորական դասի հանդեպ Փաշինյանի ձեռագիրն էլ  պոլպոտյան է:

Այս կատեգորիայի բնակիչները, ըստ Պոլ Պոտի՝  պետք է ենթարկվեն լայնամասշտաբ մաքրման: Մարդկանց՝ փաշինյանական բաժանումները՝  սևերի ու սպիտակների, հեղափոխականների և հակահեղափոխականների նույն համատեքստում են:

Եվ լայնամասշտաբ մաքրումները՝ նույնպես…

Ա. Ե.

Աղբյուր` Փաստինֆո