Փաստ ինֆո

Հրայր Թովմասյանի նկատմամբ տեղի է ունենում հատուկ հետապնդում՝ պայմանավորված իր պաշտոնական դիրքի հետ , դատավորի լիազորությունների հետ եւ այդ հատուկ հետապնդումը մենք տեսանք տարբեր դրվագներով՝ մի օր դատարանները շրջափակելու կոչ էին անում, մյուս օրը նախագծով փորձում էին կաշառել։

Փոստանջյանի խոսքով, տեսնելով, որ տարբեր միջոցներով հաջողության չի հասնում, իշխանությունը անցել է Հրայր Թովմասյանի ընտանիքի նկատմամբ ճնշումներ բանեցնելու մեթոդին. «Տարեց հիվանդ հորը եւ երեխաներին են կանչում ԱԱԾ...ի վերջո, ի՞նչ կապ ունի ԱԱԾ-ն այս հետապնդումների հետ։ Ցավոք, նորից ականատես եղանք էնկավեդե- ԿԳԲ -ԱԱԾ բանաձեւին , ցավոք ոչինչ չի փոխվել»։

Անդրադառնալով Հրայր Թովմասյանի լեգիտիմության մասին հարցին, Զարուհի փոստանջյանը ասաց. «Եթե հավասարության նշան ենք դնում Արթուր Դավթյանի եւ Հրայր Թվմասյանի միջեւ, ո՞րն է լեգիտիմ, եթե Նիկոլ Փաշինյանի համար Արթուր Դավթյանը լեգիտիմ է, որվհետեւ իր կամակատարն է, ապա Հրայր Թովմասյանը, որը իր կամակատարը չէ, նույնպես պետք է լեգիտիմ լինի»։

Ինչ վերաբերում է Հրայր Թովմասյանին՝ իշխանության յուրացման մեղադրանքին, Փոստանջյանն ասաց, որ նույն Նիկոլ Փաշինյանը 2015թ կեղծված Սահմանադրությամբ յուրացված իշխանությամբ է եկել իշխանության։ «Նախ ժողովրդի իշխանությամբ չի եկել, մի մասի իշխանությամբ է եկել, կազմակեպել է այպես կոչված ընտրությունները, բայց իրականում այդ ընտրությունները մրցակցային չեն եղել։ ՀՀ բազմաթիվ քաղաքացիներ զրկված են եղել ընտրություններին մասնակցելուց, հիշեք քարոզարշավի 10-ը օրերը, նա միայն բղավել է, որ կոպեկ առ կոպեկ վերադարձնելու է թալանվածը, նա արել է ամբոխահաճո հայտարարություններ , ծրագիր չի ներկայացրել»,-հայտարարեց Փոստանջյանը։

Ըստ նրա, ստեղծված անդունդից դուրս գալու համար ժամանակավոր կառավարություն պետք է ձեւավորել։

«Հիմա Նիկոլի թվի բռնապետություն է, Նիկոլի թվի բռնապետության օրոք արձանագրեցինք, որ քաղաքական հաղորդում է փակվում , այլ կարծիք ունեցող դատավորը իր կամքը չկատարելու համար բռնաճնշումների ենթարկվում»,-ասաց Զարուհի Փոստանջյանը։

Աղբյուր` Փաստինֆո