Փաստ ինֆո

Վերաքննիչ քրեական դատարանն այսօր մերժել է «Կոշ» ՔԿՀ պետ Լյովա Բաղդասարյանի նկատմամբ որպես խափանման միջոց կալանավորումն ընտրելու մասին ընդհանուր իրավասության դատարանի որոշման դեմ փաստաբանի ներկայացրած վերաքննիչ բողոքը։ Այս մասին «Փաստինֆո»-ի հետ զրույցում ասաց Լյովա Բաղդասարյանի պաշտպան Հրանտ Անանյանը։ 

Նա նշեց, որ միայն դատարանի որոշման հրապարակումից հետո կարող է մեկնաբանել հիմքերը, սակայն կարծիք հայտնեց, որ «ուղղակի համարձակություն չի եղել բավարարելու մեր ներկայացրած միջնորդությունը»։
«Հնարավոր է կրկին գրավի միջնորդություն ներկայացնենք առաջին ատյան»,- ասաց պաշտպանը՝ չբացառելով, որ նաեւ կնկերկայացնեն վճռաբեկ բողոք։

Ավելի վաղ հայտնել ենք, որ «Կոշ» ՔԿՀ պետ Լյովա Բաղդասարյանին մեղադրանք է առաջադրվել խոշոր չափերով կաշառք ստանալու համար։ ԱԱԾ լրատվական ծառայությունից «Փաստինֆո»-ին հայտնել էին, որ դատարանը բավարարել է նրա նկատմամբ կալանավորումը որպես խափանման միջոց ընտրելու մասին քննիչի միջնորդությունը։

Հեղինակ` Իզաբել Սահակյան