Փաստ ինֆո

Ծառայողական պարտքը կատարելիս սպանված ոստիկանության ավագ Տիգրան Առաքելյանը երկու աչափահաս երեխայի հայր էր։ Այս մասին «Փաստինֆո»-ի հետ զրույցում ասաց Արգավանդ համայնքի ղեկավար Գագիկ Օրդուխանյանը։ Նշենք, որ ոստիկանության ավագ Տիգրան Առաքելյանն Արարատի մարզի Արգավանդ գյուղից էր, բայց գյուղում չէր ապրում։

Համայնքի ղեկավարը Տիգրան Առաքելյանին նկարագրեց մեկ արտահայտությամբ՝ բոլոր կողմերից դրական։

«Կինը՝ խելոք, համեստ աղջիկ է, աշխատում է՝ որպես վաճառողուհի։ Տիգրան Առաքելյանն էլ՝ ուզում էր թոշակի գնար։ Մի որոշ ժամանակ հետո պետք է լրանար նրա ծառայության 20 տարին։ Նա ոստիկանության համակարգում էր 2002թ.-ից, արդեն 17 տարի է։ Մարդու սիրտ է քանդվում»,- ասաց Օրդուխանյանը՝ շեշտելով. «Այս ամենը գալիս է մեր ոստիկանության մեղմ պահվածքից, որովհետև վախենում են հանցագործի հետ Ամերիկայի նման խոսել։ Որ պետք լինի, պետք է հանեն ու խփեն, ոչ թե՝ վախենան զենք հանել։ Դա է վատը։ Ոստիկանի կարգավիճակը պետք է փոխվի, այսպես սխալ է։ Գնդակահարությունը հանել են ու բոլորը սկսել են կատաղել. հանցագործները մտնեն բաժին՝ հայհոյեն ու դուրս գա՞ն, տրանսգենդերները մտնեն, ոստիկանին խփեն ու դուրս գա՞ն»,- ասաց մեր զրուցակիցը։

Ավելի վաղ հայտնել ենք, որ այսօր լուսադեմին Երեւանում ոստիկան է սպանվել։

«Հոկտեմբերի լույս 16-ի գիշերը՝ ժամը 04:30-ի սահմաններում, պետական պահպանության գլխավոր վարչության Արաբկիրի պահպանության բաժնի ոստիկանները «Հաղթանակ» զբոսայգու մուտքի մոտ նկատել են երկու անձի։

Վերջիններս տեսնելով պարեկային մեքենան փախել են։ Ոստիկանության ծառայողները հետապնդել են նրանց և ազատության պողոտայում բռնել։ Բռնված անձինք դիմադրել են, որի ժամանակ նրանցից մեկը խլել է ոստիկաններից մեկի հաշվեցուցակային ատրճանակն ու կրակել, որի հետևանքով Արաբկիրի պահպանության բաժնի ոստիկան, , 38-ամյա Տիգրան Առաքելյանը մահացել է»,- հայտնել է ոստիկանությունը՝ նշելով, որ ատրճանակով երկու անձանցից մեկը հարվածել է նաև մյուս ոստիկանին։

Դեպքի առթիվ հարուցվել է քրեական գործ՝ ՀՀ քրեական օրենսգրքի 238-րդ հոդվածի 1-ին մասով, 316-րդ հոդվածի 2-րդ մասով և 104-րդ հոդվածի 1-ին մասով: Կազմվել է քննչական խումբ, մշակվել քննչական պլան: Ձեռնարկված միջոցառումների արդյունքում կասկածյալների ինքնությունը պարզվել է՝ նրան Երեւանի բնակիչներ են՝ եղբայրներ, ՝ 2001թ. և 2003թ։ Երկուսն էլ ձերբակալվել են

«Սուրբ Գրիգոր Լուսավորիչ» ԲԿ-ից հայտնել են, որ վիրավորում ստացած 25-ամյա ոստիկանի վիճակը բավարար է և նա 2-3 օրից դուրս կգրվի։

Հեղինակ` Իզաբել Սահակյան