Փաստ ինֆո

Մեր երկիրը կարող է որոշ խնդիրներ ունենալ, այդ թվում մի շարք արտագնա աշխատողներ Թուրքիայում կզրկվեն իրենց եկամուտներից, կարող է պակասի նաև առևտրաշրջանառությանը։ «Փաստինֆո»-ի հետ զրույցում այս մասին ասաց «Տնտեսական իրավունքի կենտրոն» ՀԿ-ի նախագահ, տնտեսագետ  Մովսես Արիստակեսյանը։

Վերջինս, անդրադառնալով ԱՄՆ և եվրոպական երկրների հայտարարություններին, որ պատրաստվում են Թուրքիայի նկատմամբ կիրառել տնտեսական պատժամիջոցներ, նկատեց, որ այդ հայտարարությունները դեռևս բավական չեն, պետք է գործել. «Միջազգային հանրությունը Թուրքիայի սանձերը պետք է վաղուց ձգած լիներ։ Ակնհայտ է, որ Թուրքիան տարածաշրջանում դարձել է մեծ խուլիգան։ Այսօր նա շարունակում է ցեղասպանությունը Սիրիայում»,-ասաց Մովսես Արիստակեսյանը։

Տնտեսագետն ընդգծեց, որ չնայած ԱՄՆ-ի Թուրքիայի նկատմամբ տնտեսական պատժամիջոցներ կիրառելու  հայտարարությանը, ՆԱՏՕ-ն շարունակում է Թուրքիային անվճար զենք տալ. «Գործողությունները պետք է լինեն կտրուկ, շտապ և ոչ թե հայտարարությունների մակարդակում, այլ հենց՝ գործողության»,-ասաց Մովսես Արիստակեսյանը։

Հարցին արդյոք վտանգ կա, որ տնտեսական պատժամիջոցների հետևանքով կարժեզրկվի թուրքական լիրան, ինչն էլ կհանգեցնի ապրանքների էժանացման և Հայաստանյան շուկայում վտանգի առջև կկանգնեն տեղական արտադրանքը, Մովսես Արիստակեսյանն արձագանքեց. «Դա քաղաքականության արդյունք է։ Պետք է համապատասխան քաղաքականություն մշակենք, սահմանին պետք է մաքսատուրք դնենք ու չթողնենք, որ թուրքական ապրանքը Հայաստան գա։ Միևնույն է ես կգնեմ հայկականը, որպեսզի տնտեսությունը զարգանա»,-հավելեց Մովսես Արիստակեսյանը։

 Մանրամասները՝ տեսանյութում

Հեղինակ` Հասմիկ Կոշկարյան