Փաստ ինֆո

Կարծում եմ՝ օրենսդիրը պետք է անի առավելագույնը բարձրացնելու դատական համակարգի վարկանիշը և հասարակության վստահությունը։ Անկախ նրանից, թե ՍԴ-ն ինչ դիրքորոշում կներկայացնի, սա անհրաժեշտ քայլն էր, որը խմբակցությունը պետք է աներ։ Այս մասին լրագրողների հետ զրույցում ասաց Լիլիթ Մակունցը։

«Առաջարկում եմ սպասենք՝ թե ՍԴ-ն ինչպիսի դիրքորոշում է ընդունում ներկայացված իրավական հիմքերի վերաբերյալ»,-ասաց Մակունցը։
Ինչ վերաբերում է մյուս խմբակցությունների նախագծին դեմ քվեարկելուն, Լիլիթ Մակունցը նկատեց` «Իմ քայլի» ձայներն անհրաժեշտ են, որ նախագիծն ընդունվի։

«Մեզ համար կարևոր է մյուս խմբակցությունների միանալը, որովհետև Նախագծի հիմքում չկա քաղաքական որևէ նախադասություն, ամբողջությամբ այն հիմնված է իրավական հիմքերի վրա։ Սա ոչ թե դատավորներից մեկի հարցի քննությունն է, այլ ընդամենը դիմում ՍԴ-ին, որպեսզի այնտեղ դիտարկեն հարցը։

Արման Աբովյանը նշեց, որ խմբակցությունում այս պահին ընթանում են քննարկումներ, դեռեւս միասնական դիրքորոշում չունեն», -նշեց Մակունցը։
Հարցին՝ այս կազմով ՍԴ-ն կկարողանա անաչառ քննել նախագիծը, թե ոչ` Մակունցը ընդգծեց, որ ոչինչ պետք չէ բացառել։

Մանրամասները՝ տեսանյութում

Հեղինակ` Հասմիկ Կոշկարյան