Փաստ ինֆո

Ոչ մի զինվոր ինքնասպանություն չի գործում։ Այսօր նման հայտարարությամբ է հանդես եկել «Զինվոր» հկ նախագահ Մարգարիտա Խաչատրյանը՝ պատասխանելով «Փաստինֆո»-ի՝ բանակում տեղի ունեցող ոչ մարտական գործողությունների ժամանակ զոհված զինծառայողների դեպքերի վերաբերյալ հարցին ։

«Ես չեմ պատկերացնում, թե ոնց կարող է 1 տարի և 8 ամիս ծառայողը, որը հունվարի 15-ին պետք է զորացրվի՝ ինքնասպանություն գործի։ Ոչ մի զինվոր ինքնասպանություն չի գործում։Մորը հա՛մ դիակն ենք տալիս, հա՛մ ինքնասպանության վարկածը։ Այդ խարանը մեր բալեքի վրայից հանենք»,- նշեց տիկին Մարգարիտան։ Մարգարիտա Խաչատրյանը նշեց, որ, եթե 18 տարի մայրը որդուն պահում է և երիտասարդը երկրորդ կամ երրորդ կուրսից զորակոչվել և ինքնասպանություն չի գործել, ոնց եղավ, որ 1 տարի և 8 ամիս ծառայելուց հետո ինքնասպանություն գործեց։ «Քավ լիցի։ Բերեք բիրտ բարքերի ետևից գնանք, բերեք մեր թերությունները վերացնենք, մայրը պատվով տվել է իր որդուն, թող պատվով ստանա։ Բերում եք դիակը դնում եք ու ինքնասպանության վարկածը կապում եք էդ երեխու հետ»,-ասաց տիկին Մարգարիտան՝ հայտարարելով, որ ոչ մի զինծառայող բանակում ինքնասպան չի լինում։ «Այդ ուրիշ բան ա, եթե հասցնում են ինքնասպանության, ուրիշ բան է, որ կան բիրտ բարքեր, որը հասցնում է ինքնասպանության»,- նշեց տիկին Խաչատրյանը։ Նա նաև վստահեցնում է, որ այս 25 տարիների ընթացքում ծանոթացել է թերություններին և գոմեշի մսի դեպքը նույնպես ինքն էր հայտնել, սակայն որոշ մարդկանց դա ձեռնտու չի եղել։ 

Ներկայացնելով բանակում կատարվող ինքնասպանության վարկածով դեպքերը՝ Մարգարիտա Խաչատրյանը նշեց. «Իրավիճակը ցավալի է։ Մենք հայտարարում ենք, որ 1994թ.-ից ունենք զինադադար, բայց երբևէ զինադադար չենք ունեցել։ Մենք ունենք նենգ ու դալանակալված թշնամի։ Ցանկացած պահի կատարվում է ոտնձգություն։ Եթե 18-20 տարեկան զինծառայողը խրամատում, կրակայինի տակ է, մենք չենք կարող ասել, թե այդ պահին ինչ կարող է մտածել զինծառայողը, որ գնաց ոտնձգության կամ զենքի կանոններիր խախտում կամ ինքնասպանության վարկածը։ Ո՞ր մեկի գլխի վերևով, որ կրակը թափվի ու ինքը չպետք է մտածի, որ այդ պահին նա կարող է գերի ընկնել ու կարող են իրեն խոշտանգել, որ կարող է դիվերսիա լինի»։ Թեման ամփոփելով՝ Մարգարիտա Խաչատրյանը հորդորեց՝ խրամատում պառկած զինվորի վրա երբեք ինքնասպանության վարկածը չդնել։

Հեղինակ` Իզաբել Սահակյան