Փաստ ինֆո

Եթե մենք զոհված զինծառայողների ընտանիքների համար գումար չունենք, ապա այդ 365.000 ԱՄՆ դոլար որտեղ՞ից ունենք, որ միանգամից ԱՄՆ ենք գնում։ Այս մասին «Փաստինֆո»-ի հարցին ի պատասխան ասաց «Զինվոր» ՀԿ նախագահ Մարգարիտա Խաչատրյանը՝ մեկնաբանելով վարչապետի՝ ԱՄՆ այցը։

Նրա խոսքով՝ այդ գումարով հնարավոր էր մի քանի սոցիալապես  անապահով ընտանիքների խնդիր լուծել։ Մարգարիտա Խաչատրյանը հիշեց Վանաձորում տեղի ունեցած վարչապետի մամուլի ասուլիսը, որտեղ հայտարարվել էր, որ մենք ունենք 25%  տնտեսական աճ և գումարի խնդիր չունենք։

Ինչը վերաբերում է բյուջեում գումարի առկայությանը, Մարգարիտա Խաչատրյանը նշեց. «Մենք՝ ասֆալտին փռելով բազմակի գումարներ ենք բերել բյուջե և եկեք այդ գումարները ծախսենք զոհված զինծառայողների ընտանիքիների վրա »,- ասաց տիկին Մարգարիտան՝ մատնանշելով նաև գումարի աղբյուրները։

«Մեքենաների մաքսազերծման հետ կապված, կուտակայինում, բավականին գումար կա։ Բերեք հիմնադրամի  հոգաբարձուների խորհուրդը, որը ստեղծվել է 2017թ.։ Դա մեջբերում չանեք։ Այս 1998թ.-ի զոհվածների ընտանիքներից՝ ոչ մեկը ծերության շեմին՝ 85 տարեկան, 10-ը տարի էլ հետ գնանք, 95-97 տարի չի ապրելու։ Բերեք սատար կանգնենք այն մայրերին, որ իրենց տղերքի  արյան գնով  անկախություն ձեռք բերեցին, այսօր իրենք կառավարության աջակցության կարիքն ունեն»,- ասաց տիկին Մարգարիտան։

Հեղինակ` Իզաբել Սահակյան