Փաստ ինֆո

«Օրենքով գողեր»  Բադրի Կոգուաշվիլիի, որը քրեական շրջանակներում հայտնի է որպես Բադրի Քութաիսկի, և Ադրբեջանի գլխավոր քրեական հեղինակություն Նադիր Սալիֆովի (Գուլի) միջև պատերազմը մտել է վճռական փուլ և կարող է ավարտվել հակառակորդներից մեկի մահով: Այս մասին հաղորդում «Ռոսբալտ»-ը` հղում անելով իր աղբյուրներին:

Գործակալության զրուցակիցների խոսքերով՝ Կոգուաշվիլին գտնվում է պարտվողական դիրքում, քանի որ Սալիֆովը մաֆիայի շրջանակներում ունի ավելի շատ ուժ, փող, զինյալներ և աջակցություն: Պարբերականի համաձայն, նույնիսկ Քութաիսկու ամենամոլի կողմնակիցները փաստարկներ են գտնում Գուլիի իրավացի լինելու վերաբերյալ:

«Օրենքի գողեր» Էմզար Ջափարիձեն (Քվաթիա) և Գուրամ Չիխլաձեն (Կվեժոևիչ) պետք է անձամբ զղջան Սալիֆովի առջև՝ նրան «ոչ գող» հայտարարելու համար: Հակառակ դեպքում դրանք կվերացվեն, և, ինչպես նշում է Ռոսբալտը, «այն աշխարհ» կուղարկվի ցանկացած «օրենքով», ով կորոշի կասկածի տակ դնել Սալիֆովի «գողական»կարգավիճակը:

Հաստատում են, որ Կոգուաշվիլին, հասկանալով ամբողջ իրավիճակը, Մոսկվայում տեղաշարժվում է զրահապատ մեքենայով, որին ուղեկցում է շուրջ տասը թիկնապահ: Սրա ֆոնի վրա հաղորդվել է, որ նա ուղևորվում է Եվրոպա՝ դաշնակիցներ փնտրելու համար: Գործակալության տվյալներով՝ հարվածը կարող է հասցվել ոչ թե իրենց՝ Կոգուաշվիլիին կամ Գուլիին, այլ նրանց մերձավորներից որևէ մեկին:

Աղբյուր` Փաստինֆո